Faye Ginsburg
Faye Ginsburg ya iku ahli antropologi wanita saka Chicago, Illionois, Amérikah Sarékat, kalairan tanggal 28 Oktober 1952[1][2]. Pandhidhikan pawiyatan luhur Faye naté ana ing City University of New York lan olèh gelar Ph.D. taun 1986[1][2]. Panlitian lapangan antropologis kang linakonan déning Faye ya iku ana ing Brooklyn (bab komunitas bebrayan Yahudi Suriah) taun 1978 nganti 1980, Bronx kidul (bab kelompok komunitas) taun 1980 nganti 1981, Thailand (bab pangungsi Hmong) taun 1981, Dakota lor taun 1982, 1994, 1995, lan ing Australia (bab médhia bebrayan aboriginal) taun 1988, 1992, 1994, 1997, lan 2001[1][3]. Karya-karya kang sinerat déning Faye ya iku antarané Contested Lives: The Abortion Debate in an American Community (1989), Media Worlds: Anthropology on New Terrain, bareng karo Lila Abu-Lughod lan Brian Larkin minangka èditor taun 2002[1]. Pisumbangan utama dhèwèké ya iku bab kajian pagerakan sosial lan konflik bab reproduksi biologis lan visual minangka bagéyan kang penting ing antropologi mèdhia[1][2].
Rujukan
[besut | besut sumber]- ↑ a b c d e Amit, Vered (2004). Biographical dictionary of social and cultural anthropology. London: Routledge. kc. 276. ISBN 020364459X. OCLC 436848672.
- ↑ a b c "Faye Ginsburg". as.nyu.edu. Dibukak ing 2018-01-12.
- ↑ "Faye Ginsburg". CENTER FOR THE STUDY OF SOCIAL DIFFERENCE (ing basa Inggris Amérika Sarékat). Dibukak ing 2018-01-12.