Edward Burnett Tylor
| Sir Edward Burnett Tylor | |
|---|---|
 Edward Burnett Tylor | |
| Lair | 2 Oktobèr 1832 Camberwell, London, Inggris |
| Pati | 2 Januari 1917 (umur 84) Wellington, Somerset, Inggris |
| Bangsa | Inggris |
| Warga nagara | Inggris |
| Kondhang ing | Évolusi Kabudayan |
| Karièr ngèlmiah | |
| Babagan | Antropologi |
| Institutions | Universitas Oxford |
Edward B. Tylor (1832-1917) ya iku antropolog saka Inggris. Tylor miwiti lelakuné minangka amatiran ing ngèlmu arkéologi khusus préhistori. Ing taun 1856 dhèwèké mèlu ing ékspédisi dhudhukan barang-barang préhistori ing Méksiko minangka asistén[1]. Sanadyan dadi asistén, Tylor bisa ngasilké buku kanthi sesirah Anahuac, or Mexico and the Mexicans, Ancient and Modern ing taun 1861 minangka buku pertamané. Tylor uga kalebet pemikir évolusianisme. Miturut pemikirané, ahli antropologi dhuwé tujuan ngangsu kawruh saakéh-akéhé kabudayan kang anéka warna, ngulati unsur-unsur sing padha ing kabudayan iku. Sabanjuré milah-milahi warna-warna kabudayan iku dumasar unsur-unsur sing padha, saéngga katon sujarah évolusi kebudayaan manungsa saka siji tataran marang tataran liyané[1][2]. Tylor dhuwé karya kang paling penting bab unsur-unsur kabudayan kaya déné sistem réligi, kapracayan, kasusastran, adat istiadat, upacara lan kagunan ya iku Primitive Culture: Researches into the Development of Mythology, Philosophy, Religion, Language, Art, and Custom. Buku iki dumadi saka rong jilid lan dibabar taun 1874[1].