Djoko Warsito
Drs. H. BBA Djoko Warsito, yaiku tilas ketua pusat koperasi WARIS & Kepala SMP N 4 Surakarta. Tokoh pendidik sing isih preduli marang koperasi iki wis disiplin wiwit cilik amarga didikané wong tuwa. Kadisiplinané wiwit cilik iku agawé dampak positif kanggoné Djoko. Piyambaké remen ngisi wektuné kanggo aktivitas lan kagiyatan kang akèh maslahaté, amarga piyambaké ora seneng amung lungguh tanpa agawé apa-apa. Pawiyatané duwéni pedoman yaiku, urip kanggo sinau, makarya, lan ngudi. Kanthi tradhisi mangkana iku, kasilé uga bisa dinikmati pawongan liyan lan lingkungané.[1]
Kauripan lan Pakaryan[besut | besut sumber]
Djoko Warsito lair ing Sala, 19 April 1951. Ing kutha kelairané uga piyambaké ngrampungaké pawiyatan SD, SMP, lan SMA yaiku ing taun 1964, 1967, lan 1970. Piyambaké ngrampungaké pakuliyahan ing Akademi Pimpinan Perusahaan Indonesia Jakarta taun 1976, ing PGSLP Crash Program Jurusan Bahasa Indonesia taun 1977 lan lulus S1 saka FKIP UNS taun 1984. Ing taun 1971-1978 piyambake kuliah nyambi makarya ing sawijine perusahaan ing Jakarta. Taun 1978 piyambaké dadi guru ing SMP 104,banjur taun 1978 piyambake bali ing kutha kelairane, Sala lan ngajar ing SMP N 4. Nalikané ngajar ing taun 1979 pawiyatane mesthi dipasrahi dadi Wali Kelas, Humas, lan Pembina Koperasi Siswa sing akhire dadi anggota KOSPENI SMP N 4.[1]
Djoko Warsito agamané Islam. Banjur ing dalem agama Islam babagan pakaryan yaiku jejibahan pawongan urip saka tangi ésuk tumeka surupé srengéngé. Makarya iku ibadah. Islam ora beneraké pawongan nganggur nunggu rejeki tiba saka langit. Makarya lan nggentiyung iku sewijiné jejibahan. Piyambaké uga nambahaké pawongan iku kudu syukur. Carané syukur uga akeh, bisa tambah taqwa marang Gusti Allah utawa bisa tetulung marang pawongan liyan. Kabèh sing ditekuni, bakalé ana unduh-unduhané.[1]