Dina Nuswantara

Saka Wikipédia Jawa, bauwarna mardika basa Jawa

Dina Nuswantara (Carakan: ꦢꦶꦤꦤꦸꦱ꧀ꦮꦤ꧀ꦠꦫ;​ Basa Indonésia: Hari Nusantara) iku wewujudan saka asiling Deklarasi Djuanda kang uga kaloka minangka dhéklarasi kamardikané Indonésia kang kaping pindho. Lumantar dhéklarasi iku mau, Indonésia miwiti ngenam lan nyawijèkaké wewengkon bumi lan samodra kang amba, nyawiji dadi siji minangka nagara manunggal kang wutuh lan dinaulat. Adhedhasar Keppres No.126/2001 banjur Dina Nuswantara dipèngeti saben tanggal 13 Dhésèmber minangka salah sawijining dina gedhé ing Indonésia.