Dhirendra Nath Majumdar
Dhirendra Nath Majumdar ya iku ahli antropologi saka Bengal kalairan taun 1903. Majumdar ngerampungaké pandhidhikan antropologi ing Universitas Calcutta taun 1924[1][2][3]. Banjur dhèwèké ngayahi panalitèn lapangan (field work) ing wewengkon suku bangsa Ho ing Singhbhun, Chhota Nagpur, Bihar[2]. Ing taun-taun sabanjuré, Majumdar lunga menyang Inggris lan olèh gelar Ph.D. saka Cambridge. Anadéné dhèwèké sinau antropologi saka Bronislaw Malinowski. Sabaliné ing India, Majumdar tetep aktif ing panalitèn lan nglurahi jurusan antropologi Universitas Lucknow kang diadegaké taun 1950. Majumdar uga naté ngayahi panalitèn lapangan (field work) ing suku bangsa Khasa (Uttar Pradesh), Korwa, Tham, Gond, lan Bhil ing Gujarat[1]. Wis ana puluhan karya tulisé ngenani suku bangsa minangka buku-buku ètnografi lan diterbitké ing majalah antropologi kawentar ya iku Journal of the Royal Asiatic Society of Bengal, Man in India, lan majalah kang diadegaké dhéwé ya iku The Eastern Anthropologist[1]. Pakembangan kang anyar ya iku panlitèn bebrayan kutha ing India. Bareng karo rong sarjana antropologi liyané. Majumda lan kanca-kancané ngasilaké buku Social Contours of an Industrial City taun 1960.
Rujukan
[besut | besut sumber]- ↑ a b c Koentjaraningrat (1964). Tokoh-tokoh Antropologi. Jakarta: penerbitan Universitas. kc. 147.
- ↑ a b "Majumdar, D. N." International Encyclopedia of the Social Sciences. Dibukak ing 2017-11-01.
- ↑ "Short Biography of Dhirendra Nath Majumdar". Your Article Library. Dibukak ing 2017-11-01.