Der Himmel über Berlin

Der Himmel über Berlin iku sawijining filem Prancis-Jerman Kulon weton taun 1987. Filem sing disutradarani Wim Wenders iki kalebu kategori romantis fantasi.

Ukara Jerman der Himmel über Berlin tegesé 'Langit sadhuwuré Berlin'. Nanging tembung Himmel tegesé uga bisa swarga. Ing basa Inggris filem iki diwèhi sesirah Wings of Desire.

Filem iki critané prakara para malaékat sing ora katon lan ora bisa mati saha manggon ing Berlin. Para malaékat iki padha ngrungokaké pikiran manungsa lan nglipur sing nandhang lara.

Sanadyan sing ndunungi kutha iki padhet lan akèh banget, akèh wong sing ora nduwé kanca lan kasepèn, kudu urip dhèwèkan. Salah sawijining malaékat, ya iku sing dimainaké déning Bruno Ganz, gandrung marang sawijining wanita.

Filem iki disyuting ing warna sepia monokrom lan warna pepak. Manawa gambar iku nglambangaké donya sing dideleng para malaékat, wernané monokrom, kamangka manawa nglambangaké donya kaya dideleng manungsa dadi mawa warna pepak.

Wim Wenders menang minagka sutradara sing apik dhéwé ing Fèstival Film Cannes lan olèh Pamulèn Film Éropah. won best director award both at Cannes filem festival and European filem Awards for the filem. Saliyané iku filem iki uga menang pamulèn BAFTA.

Ing taun 1998 filem iki digawé ulang ing Amérikah Sarékat minangka City of Angels.