Degan wulung
[1]Degan wulung inggih menika degan ingkang gadhah werna jambon ing bagian sabut, lan ing kulit njaba wernanipun boten ijo sanget, lan ugi saget wernanipun kuning. Wulung wonten ing basa Jawa nggadahi makna ungu enom utawa pink. Degan wulung menika dipunpercados gadhah kasiat kagem ngobati penyakit. Amargi wonten degan menika wonten zat ingkang wigati kados glukosa, sukrosa, fruktosa, lan asam amino. Ugi wonten tannin (zat anti racun) ing sajroning degan wulung ingkang luwih inggil tinimbang ing degan sakliyanipun.
Khasiat
[besut | besut sumber]Banyu degan wulung saget nambani cacing padharan, unjukan ingkang saè kagem penderita kolèra, ngurangi gatel-gatel amargi cacar. Banyu degan uga saget kagem ngobati sakit diare kagem bayi. Miturut data pengujian menika, degan wulung saget ngambat bakteri Escherichia coli. Menika amargi kandungan metabolit sekunder wujudipun tannin ingkang langkung kathah tinimbang degan sanesipun. Menawi miturut penelitian saking analisis kimia daging wonten ing degan menika gadah kadar banyu ingkang kathah, inggih punika 80% lan kadar lemak menika 5%. Menawi dibandingne kaliyan buah sanesipun, degan menika nyeraki komposisi ingkang dipungadhahi buah alpukat.
Khasiat saking degn wulung inggih menika, 1. Unjukan ingkang saking alam, Banyu degan menika asli saking alam lan higienis ugi nggadahi komposisi gizi ingkang langkung saè. Dados, degan menika saget ngilangake raos ngelak ugi saget ngempet luwé. 2. Saget nambani penyakit, Kados ingkang sampun dipunrembag ing nginggil, menawi degan menika saget maténi cacing wonten ing padharan, saget nyudo gatel-gatel lan sanesipun. 3. Obat kuat lan perawatan kulit, Banyu degan menika menawi dicampur kaliyan madu saget dados nguataken pusat saraf seks. Banyu degan menawi diagem raup pendak dinten ugi saget ngilangakè jerawat lan bintik ireng ugi nyegah keriput. 4. Media kagem pertumbuhan, Degan nggadahi komponén hormon pertumbuhan kados giberalin.
Cara Nyimpen
[besut | besut sumber]a. Degan kasimpen utoh yaiku ngaggem sekawan cara : 1. Disimpen ing njaba ruangan, yaiku kasimpen ing kotak kayu. 2. Kasimpen ing banyu, yaiku degan namung direndem ing banyu lan pendak dinten banyunipun digantos. 3. Kasimpen ing kotak kang isiné pasir, kotak iku diisi pasir, lan disimpen ana ing njero lemah (dipendhem). 4. Kasimpen ing lemah, yaiku lemah di pacul nganti dawa 60cm lan dhuwure 45cm. Banjur degan dicemplungakè wonten ing lemah lan ditutupi ngagem godhong klapa ugi ditutup malih ngagem lemah.
b. Salokipun sabut degan menika dipunpendhet, banjur dipunbentuk sasenengipun lan direndem wonten ing larutan anti oksidan lan anti jamur. Salanjutipun digaringakè, dibungkus plastik lan kasimpen ing suhu 10 derajat. Ngagem cara iki, degan bisa kasimpen 4 minggu. Nanging menawi degan kasimpen ing njaba ruangan namung bisa tahan 3-4 dinten.
c. Diolah daging lan banyu degan
Biyasanipun, degan menika diolah dados es degan. Ananging ugi saget dados koktil, selai, tart klapa, lan suplemen kanggo bayi[2]. Daging degan niku nggadahi kadar banyu kang nginggil, dados nggadahi tekstur ingkang kiyal.
Olahan Degan
[besut | besut sumber]1. Degan menika saget dipungawé dados koktil klapa. Wonten ing olahan menika boten ngagem banyu degan. Daging degan menika dipunrendem wonten ing asam sitrat 1% sasuwéne 5 menit, banjur dipuntambahi gula 20%. Saklajengipun, dipunsterilakè wonten ing suhu 115 derajat sasuwene 15 menit. Banjur dipanasaken malih wonten ing suhu 100 derajat sasuwene 20 menit, banjur diademne nganggem banyu adem kanthi cepet. Cara menika saget dadosaken koktil saget tahan ngantos enem sasi. 2. Degan ugi saget dados selai lan tart klapa. Selai menika betahaken gula 1:1. Daging degan menika dipunalusakè banjur dimasak lan diaduk. Gula ugi dimasak ngantos wernanipun gantos dados kados caramel, banjur dicampur wonten ing adonan klapa. Campuran menika dimasak ngantos dados pasta, banjur ditambahi natrium benzonat 0.1% lan asam sitrat 0.05%. banjur diwadahi wonten ing botol plastik utawi kaca. Menawi tart menika panganan khas saking Sulut. Caranipun gula, endhog lan susu dikocok ngantos homogen. Banjur ditambahi banyu degan lan bahan pengental. Sasampunipun ditambahi daging degan lan dimasak banjur dipanggang. 3. Banyu isotonik, Miturut alam, banyu degan nggadahi komposisi mineral lan gula ingkang saè, dados gadhah keseimbangan elektrolit kang saè, kados cairan wonten ing awak manungsa. Komposisi mineral banyu degan menika dadosaken banyu degan saget dados banyu isotonik ingkang alami. Kagem formulanipun, banyu degan ditambahi vitamin lan mineral sanesipun dados unjukan olahraga sanesipun.
Dudutan
[besut | besut sumber]Degan menika nggadahi nilai ekonomi ingkang nginggil, ugi gadhah nilai gizi nginggil amargi daging degan menika gadhah asam lemak esensial lan asam amino esensial ingkang dipunbetahaken kaliyan manungsa. Banyu degan menika gadhah gula lan vitamin, ugi gadhah kathah jinisipun mineral, dadosaken saget nambani pinten-pinten penyakit.
Pengolahan degan menika dipunkarepakè saget nambahi mutu degan lan saget dados produk enggal ingkang saget ngasilaken kagem petani. Kagem ngembangaken menika mbetahaken bahan baku ingkang saè, modal, dodolan ugi SDM. Menika sedaya saget maringi dampak kagem lapangan kerja ing Indonesia, ningkataken hasil petani, ningkataken gizi lan kasehatan kagem bebrayan punika.
Rujukan
[besut | besut sumber]- ↑ mulyanto, arif (2018-05-01). "KEMAMPUAN AIR KELAPA MUDA SEBAGAI ANTIMIKROBA TERHADAP BAKTERI Escherichia coli PENYEBAB DIARE". Diarsip saka sing asli ing 2019-05-14.
{{cite web}}: line feed character in|title=at position 46 (pitulung) - ↑ penelitian, balai (2004-12-05). [ejurnal.litbang.pertanian.go.id/index.php/psp/article/download/5583/4758 "Potensi Buah Kelapa Muda Untuk Kesehatan dan Pengolahannya"].
{{cite web}}: Check|url=value (pitulung); line feed character in|title=at position 25 (pitulung)