Charles L. Briggs
Charles L. Briggs ya iku ahli antropologi saka Albuquerque, New Mexico, Amérikah Sarékat, kalairan taun 1953[1]. Briggs kuliah sarjana (BA) ing Colorado College (1974), pasca sarjana (MA) ing University of Chicago taun 1978 lan dhoktor (Ph.D) taun 1982 ing pawiyatan luhur kang padha[1]. Charles Briggs naté nglakoni panlitian antropologis ing Cordova, New Mèksiko, lan Delta Amacuro ing Vénézuéla (1986)[2]. Dhéwéké uga wis nulis buku-buku antropologis kayadéné Learning How To Ask: A Sociolinguistic Appraisal of the Role of the Interview in Social Science Research (1986), Competence in Performance: The Creativity of Tradition in Mexicano Verbal Art (1988), lan Stories in the Time of Cholera: Racial Profiling during a Medical Nightmare (2003)[1][3]. Charles fokus ing bab hubungan antara tipe panganggo basa lan kategori sosial. Dhèwèké uga akèh pisumbangané ing bab mitos lan ritual ing Cordova, Mèksiko[1].
Rujukan[besut | besut sumber]
- ↑ a b c d Amit, Vered (2004). Biographical Dictionary of Social and Cultural Anthropology. London: Routledge. kc. 99. ISBN 020364459X. OCLC 436848672.
- ↑ "Charles L. Briggs". Anthropology, University of California, Berkeley. Diarsip saka sing asli ing 2017-12-10. Dibukak ing 2017-12-17.
- ↑ "Prof. Charles L. Briggs". Uni Goettingen. Dibukak ing 2017-12-17.