Chantal Della Concetta

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Chantal Della Concetta

Chantal Della Concetta (lair ing Bandung, 27 Juli 1980; umur 38 taun), ya iku présènter pawarta RCTI. Dhèwèké miwiti karir ing donya tivi (jurnalisme) ing Metro TV ing taun 2001, nuli pindhah menyang RCTI nalika taun 2007. Jeneng Chantal iku kombinasi saka jeneng manéka basa ing donya, Chantal (Prancis) artiné tembangan, Della (Latin) artiné ati kang apik lan Concetta (Italia) kang artiné murni.[1] Dhèwèké iku anak saka pasangan Gunawan Budi Suwandi lan Shirley Gandasasmita, anak kaping loro saka telung sadulur.[1] Kakangé jenengé Amanda Crescentia lan adhiné Marischka Prudence.[1] Marischka uga nyambut gawé dadi réporter ing Metro TV.[1]

Chantal kawit ciliké ing Bandung nganti kuliyah jurusan Ilmu Hubungan Internasional ing Universitas Parahyangan angkatan 1998.[1] Lulus kuliyah taun 2003 kanthi IPK 3,1 lan langsung nggabung karo Metro TV.[1]

Dhèwèké wis nikah karo Hans Lazuardi. Saka nikahan mau, dhèwèké dikaruniai anak lanang ing taun 2004 lan anak wadon ing taun 2009 jenengé Nathaniel Trevor Lazuardi lan Mazel Peach Lazuardi.[1]

Karir[besut | besut sumber]

Ing Metro TV, Chantal diwènèhi kasempatan kanggo nggawakaké program-program karo karakter kang ora pada, kawit acara pawarta régulèr, morning talkshow nganti dhialog.[1] Program kang tau digawakaké déning dhèwèké kaya ta "Suara Anda", "Public Corner", "Headline News", "Breakfast Club", "Metro Pagi", "Metro Siang", lan "Metro Malam".[1]

Ora mung ngurus dadi anchor ing studhio, Chantal uga duwé kasempatan kanggo ngliput prastawa wigati ing njero lan manca nagara.[1] Kayata Tsunami Acèh ing taun 2004, pemakaman Paus Yohannes Paulus II ing Vatikan, pamilihan (conclave) Paus Benedictus XVI ing Vatikan, sarta perundhingan informal ka-telu RI-GAM ing Helsinski, Finlandia.[1]

Sawisé patang taun ngabdi ing Metro TV, taun 2007 Chantal nggabung karo RCTI.[1] Ing RCTI Chantal ngawakaké program kanthi rating kang paling dhuwur, ya iku Seputar Indonésia.[1] Ing taun kang padha, Seputar Indonésia olèh Panasonic Award kanggo kategori program pawarta paling favorit.[1]

Ing taun 2011, sawisé pegatan karo garwané, Chantal Della ngakoni manawa dhèwèké wis duwé pepujaning ati.[2] Nanging dhèwèké durung wani kanggo nerusaké marang gayutan kang luwih sérius manèh.[2] Chantal dadi wong tuwa tunggal amarga pegatan karo garwané, garwané nyambut gawé lan manggon ing Australia.[2]

Cathetan sikil[besut | besut sumber]

  1. a b c d e f g h i j k l m n biografi Chantal Della Concetta diundhuh tanggal 18 September 2011
  2. a b c berita Chantal Della Concetta diundhuh tanggal 18 September 2011