Candhi Ampèl
Candhi Ampèl yaiku salah sawijing candhi Hindhu kang mapan ing Dusun Dukuh, Ngampèl, Joho, Kalidawir, Tulungagung, Jawa Wetan.[1]Candhi iki dunung ana ing lebak sekitar pagunungan Walikukun. Aran Ampèl dijukuk saka papané candhi iki, yaiku Ngampèl.
Wujud[besut | besut sumber]
Candhi Ampèl minangka candhi tunggal kang disusun saka bata lan watu andesit. Sisih ngisor candhi iki uwis remuk. Sakabehé bentuk saka candhi iki uwis ora bisa diarani maneh uga arah madhepé.
Panalitén[besut | besut sumber]
Panalitèn kang sepisanan marang Candhi iki dilakokaké dening N.J. Krom taun 1923. Miturut cathetatne ROC 1908, diwartakaké déné ing kiwa tengené Candhi ditemokaké reca Parwati kang tinulis tahun 1331 Saka (1409 Masehi), reca Bima, reca Siwa, reca Parwati, lan prasasti.
Rujukan[besut | besut sumber]
- ↑ Sedyawati, Edi, 1938-; Indonesia. Direktorat Pelestarian Cagar Budaya dan Permuseuman,. Candi Indonesia (édhisi ka-Cetakan pertama). [Jakarta]. ISBN 978-602-17669-3-4. OCLC 886882212.
{{cite book}}: CS1 maint: extra punctuation (link) CS1 maint: multiple names: authors list (link)