Boris Johnson

Saka Wikipédia Jawa, bauwarna bébas abasa Jawa
Boris Johnson

Alexander Boris de Pfeffel Johnson (lair 19 Juni 1964 ing New York, AS) iku sawijining pulitikus, sajarawan, panulis lan wartawan Britania. Boris iku lair ing New York saka kulawarga kalangan dhuwur. Dhèwèké tau njabat dadi walikutha London (2008-2016) lan Menteri Luar Negeri Britania Raya wiwit 13 Juli 2016. Saliyané iku Boris tau dadi anggota parlemèn Britania saka taun 2001 nganti 2008 kanggo Henley lan wiwit 2015 manèh, saiki kanggo Uxbridge and South Ruislip.

Boris iku anggota Parté Konservatif lan diidèntifikasi minangka wong Konservatif Bangsa Siji (One-Nation Conservative). Kawicaksanané kalebu ékonomi liberal lan sosial liberal.

Ing taun 2015 dhèwèké dipilih dadi anggota parlemèn kanggo Uxbridge and South Ruislip, banjur dhèwèké mundhur saka kalungguhan walikutha ing taun 2016 lan dadi tokoh wigati sajeroning kampanye Réferèndum Brexit, supaya Britania Raya metu saka Uni Éropah.

Ing kancah pulitik lan jurnalis Britania, Boris iku kaanggep minangka tokoh kontrovèrsial.[1] Wong-wong sing padha nyengkuyung awaké, nganggep manawa Boris iku lucu lan populèr sajabaning para pamilih Parté Konservatif. Nanging dhèwèké uga dikritik déning wong-wong ing sisih kiwa lan tengen spèktrum pulitik. Akèh sing ndakwa dhèwèké iku èlitèr lan seneng népotisme, kesèt, ora jujur, rasis[2] lan geting marang kaum homo.[3]

Réferènsi[besut | besut sumber]