Bongko kopyor

Saka Wikipédia Jawa, bauwarna mardika basa Jawa
(Kaelih saka Bongko Kopyor)
Loncat ke navigasi Loncat ke pencarian

Bongko kopyor [1] ya iku panganan tradhisional khas saka dhaerah Kacamatan Manyar Kabupatèn Gresik, Jawa Wétan.

Ora ngerti wiwit kapan Bongko Kopyor iku wiwit ana lan didol ing Gresik. Nanging kang jelas saben wulan Ramelan, ana ing manéka dhaerah Kabupatèn Gresik, akèh uwong kang ngedol Bongko Kopyor iki. Bongko kopyor akèh-akèhé mung didol nalika labuh wulan Ramelan lan dadi takjil damèl mungkasi pasa. Yèn racaké Bongko mung digawé saka glepung beras kang wernane putih polos lan rodo kenyel, nanging béda karo Bongko Kopyor, Bongko Kopyor iki wujudé luwih encer utawa kopyor dadi iku kang nggarai bongko iki diarani Bongko Kopyor. Isi saka Bongko Kopyor ya iku irisan gedhang, roti, kerukan kelopo énom, lan duduhé santen [2]. Sak kabehané dibuntel dadi siji nganggé godhong gedhang lan dikukus nganti mateng. Regane Bongko Kopyor [3] racaké wiwitan sekawan dasa kantos ènem èwu.

Bahan Nggawé Bongko Kopyor[besut | besut sumber]

1.000 ml santen, 200 gram gula pasir, 2 lembar godhong pandan, setengah sendok teh uyah, 350 gram glepung beras, 50 gram glepung sagu, 10 woh gèdhang raja kang wis tuwa, Roti iris tawar sacukupe, Godhong gèdhang lan Tusuk gigi.

Cara Nggawé Bongko Kopyor[besut | besut sumber]

Campur glepung beras, glepung sagu, lan santen, udek nganti rata. umepno sisa santen, gula pasir, godhong pandan, lan lebokno larutan glepung beras. Udek jladrèn nganti alus lebokno irisan gèdhang raja lan roti tawar. Njupuko salembar godhong gedhang, banjur lebokno rong sendok saka jladrène , bungkus, sematen karo tusuk gigi, lan kukus nganti mateng. Bongko Kopyor kang Enak siyap disajèkaké.

Misale sampeyan péngin ngerasakno isiane bongko kopyor luwih Marupo variasi, sampeyan bisa nambahi isian bongko kopyor karo 1/2 nganti 1 woh klapa enom kang dikeruk daginge, utawa nambahi mutiara kang di masak sadurungé, utawa nambahi karo irisan nangka. Banjur campuren karo bongko kopyor lan uga bisa ditambahake es batu nalika disajèkaké.

Catatan Suku[besut | besut sumber]

  1. Bongko Kopyor, 29 Maret 2016.
  2. Racikan saka Bongko Kopyor, 29 Maret 2016.
  3. Rega saka Bongko Kopyor, 29 Maret 2016.


Pranala njaba[besut | besut sumber]