Boeing 777

Saka Wikipédia Jawa, bauwarna bébas abasa Jawa
Boeing 777-200 darbèné Garuda Indonesia.
Kabin Boeing 777
Mesin GE90-115B

Boeing 777 iku sawijining pesawat penumpang sipil mawa awak amba mawa mesin dobel jarak adoh gawéané Boeing Commercial Airplanes. Montor mabur iki bisa ngangkud antara 314 - 451 panumpang lan ndarbèni radius 9.695 nganti 17.372 km. Pamaburan kapisan Boeing 777 dilakoni ing taun 1994.

Ciri unik Boeing 777 iku kalebu enem rodha kanggo ndharat per set ing saben rodha pandharatan utama, fuselase sing bundher sampurna, lan "buntut wuri" sing mèmper mata lading.

Ing taun 2005 rega satunggal unit sakiwa-tengené r US$213 yuta, sanadyan rega per maskapé béda-béda lan dirahsyakaké.

Boeing 777 digawé minangka gantiné Boeing 747, nanging luwih éfisièn. Mula Boeing 777 sing dirancang minangka gantiné 747, dadi montor mabur twinjet (mesin kembar) sing gedhé dhéwé sadonya. Edisi 777 sing gedhé dhéwé ya iku 777-300 lan sing ndarbèni radius ya iku 777-200LR. Emirates, maskapé nasional UEA ya iku operator pesawat Boeing 777 sing gedhé dhéwe.