Big Hero 6 (filem)
Big Hero 6 iku filem animasi 3D Amerikah taun 2014 ajénre adiwira lan kemidhi kang digawé Walt Disney Animation Studios lan dibabar Walt Disney Pictures—filem adiwira kang kawitan saka seri Walt Disney Animated Classics lan angka 54 ing sakabéhé. Filem iki dhedhasar Marvel Comics superhero kang nunggal jeneng.[1] Don Hall lan Chris Williams, minangka sutradara. Lakoné nyaritaké bocah enom ajeneng Hiro Hamada kang nduwé keampuhan nggawé robot. Dhèwèké mbentuk tim adiwira nedyo merangi durjana. Kanthi pangisi suara iku Scott Adsit, Ryan Potter, Daniel Henney, T. J. Miller, Jamie Chung, Damon Wayans, Jr., Génesis Rodríguez, Alan Tudyk, James Cromwell, lan Maya Rudolph.
Big Hero 6 dadi filem animasi Disney kawitan kang nyeritaké karakter Marvel Comics, kang kumpeni baboné dituku déning The Walt Disney nalika 2009.[2] Walt Disney Animation Studios nyiptakaké tehnologi piranti alus anyar nedyo ngasilaké filem animasi visual.[3][4]
Big Hero 6 digebyagaké ing Tokyo International Film Festival k-27 nalika 23 Oktober 2014, lan ing Abu Dhabi Film Festival nalika 31 Oktober; uga dibabar ing biyoskup kanthi format Disney Digital 3-D lan RealD 3D ing Amerikah kala 7 November 2014. Filem iki kasil kanthi kumersil lan nampa kritik apik lan ngéntukaké pikoléhan $657 yuta ing sakubenging dunya. Kala 2014, Big Hero 6 dadi filem kang paling akèh ngèntukaké bruto.[5] Filem iki menang Academy Award tumrap filem animasi apik dhéwé lan Kids' Choice Award tumrap filem animasi paling disenengi. Filem iki uga dinominasiaké ing Annie Award, Golden Globe Award, lan BAFTA Award tumrap filem animasi apik dhéwé. Big Hero 6 dibabar kanthi wujud DVD lan Blu-ray nalika 24 Fèbruari 2015.
Rujukan[besut | besut sumber]
- ↑ McDaniel, Matt (May 21, 2014). "Disney Throws Out the Marvel Rulebook for 'Big Hero 6'". Yahoo! Movies. Dibukak ing July 8, 2014.
- ↑ Truitt, Brian (May 9, 2013). "Disney animates Marvel characters for 'Big Hero 6'". USA Today. Dibukak ing May 9, 2013.
- ↑ Roper, Caitlin (October 21, 2014). "Big Hero 6 Proves It: Pixar's Gurus Have Brought the Magic Back to Disney Animation". Wired.com.
- ↑ Hall, Gina (November 7, 2014). "How John Lasseter's Pixar Culture Led to 'Big Hero 6' Breakthrough for Disney". The Wrap. Dibukak ing November 13, 2014.
- ↑ Lowe, Kinsey (March 13, 2015). "'Big Hero 6′: No. 1 Animated Movie Worldwide 2014". Deadline.com. Dibukak ing March 14, 2015.