Basis data

Saka Wikipédia Jawa, bauwarna bébas abasa Jawa

Basis data (basa Inggris: database), utawa asring uga dieja basisdata, iku kumpulan informasi sing disimpen sajeroning komputer kanthi sistematik saéngga bisa dipriksa migunakaké sawijining program komputer kanggo antuk informasi saka basis data mau. Prangkat empuk sing dipigunakaké kanggo nglola lan ngundang kueri (query) basis data disebut sistem manajemen basis data (database management system, DBMS). Sistem basis data disinaoni ing èlmu informasi.

Istilah "basis data" awalé saka èlmu komputer. Sanadyan tegesé saya wiyar, nglebokaké perkara-perkara sanjabaning babagan èlèktronika, artikel iki ngenani basis data komputer. Cathetan sing mèmper karo basis data sabeneré wis ana sadurungé révolusi indhustri ya iku ing wujud buku besar, kuitansi lan kumpulan data sing ana gayutané karo bisnis.

Konsèp dhasar saka basis data ya iku kumpulan saka cathetan-cathetan, utawa tugelan kawruh. Sawijining basis data duwé panjlasan kastruktur saka jinis fakta sing kasimpen ing njeroné: panjlasan iki disebut skema. Skema nggambaraké obyèk sing diwakili sawijining basis data, lan gayutan ing antarané obyèk mau. Ana akèh cara kanggo ngorganisasikaké skema, utawa modhelaké struktur basis data: iki dikenal minangka modhel basis data utawa modhel data. Modhel sing umum dipigunakaké saiki ya iku modhel relasional, sing miturut istilah layman makili kabèh informasi ing wujud tabèl-tabèl sing silih gayutan ing ngendi saben tabèl kapérang saka baris lan kolom (dhéfinisi sing sabeneré migunakaké terminologi matematika). Ing modhel iki, gayutan antar tabèl diwakili kanthi migunakaké pangaji sing padha antar tabèl. Modhel liyanékayata modhel hierarkis lan modhel jaringan migunakaké cara sing luwih èksplisit kanggo makili gayutan antar tabèl.

Istilah basis data ngacu ing kolèksi saka data-data sing saling gegandhèngan, lan prangkat empuké kuduné ngacu minangka sistem manajemen basis data (database management system/DBMS). Yèn kontèké wis cetha, akèh administrator lan programer migunakaké istilah basis data kanggo kaloro teges mau.

Prangkat empuk basis data[besut | besut sumber]

Prangkat empuk basis data sing akèh dipigunakaké sajeroning pamrograman lan arupa prangkat basis data aras dhuwur (high level):

Saliyané prangkat empuk ing dhuwur, ana uga prangkat empuk pamrograman basis data aras asor (low level), ing antarané:

Pirsanana uga[besut | besut sumber]