Asmani

Profil

Asmani inggih punika tiyang sepuh ingkang ngadhahi yuswa kirang langkung 72 taun, ananging taksih giyat nindhakaken kagiyatan inggih punika nambali mergi ingkang sami bolong-bolong wonten ing Désa Singamerta, Kecamatan Ciruas, Kabupatèn Sérang Banten. Sanadyan sampun sepuh ananging Asmani nggadhahi kareb ingkang ageng inggih punika sami tetulung lan migunani dhumateng sasami. Tanpa pamrih Asmani nambal mergi ingkang bolong-bolong supados ngirangi wontenipun kacilakan.

Sampun 6 taun dangunipun Asmani nambali mergi ingkang bolong-bolong wonten ing Désa Singamerta. Saben dintenipun Asmani ngangkut bahan kangge nambal mergi punika kanthi mlampah boten nganggé sandhal lan namung ngagem alat sawontenipun kadosta pacul lan èmbèr. Sinaosa sampun sepuh Asmani taksih giat lan kiat ngangkat èmbèr ingkang dipunmomot krikil lan pecahan gendhèng kala wau, wondéné pacul dipunpikul wonten ing  pundhak sisih kiwa.

Risakipun mergi wonten ing Désa Singamerta punika kapitung sampun parah amargi kathah-kathahipun mergi ingkang risak punika ngantos 10 ngantos 20 CM jeronipun, ananging risakpun mergi punika boten dipunpundhut sisah déning Asmani, sekedhik baka sekedhik kathahing mergi ingkang bolong saged katutup ngginakaken material krikil lan gendhèng ingkang dipun ratakaken dening Asmani.

Kirang langkung 12 kilometer saking punjer kota Sérang, Désa Singamerta taksih kathah sanget mergi ingkang kedah dipun dandosi amargi sampun bolong-bolong. Wondene jeglongan utawi bolongan saking mergi kala wau nalika jawah dados kembengan ingkang isinipun toya lan endhut sakpunika salah satunggalipun ingkang njalari wontenipun kacilakan.

Tanpa Peparing

Kagiatan ingkang kaitung kagiatan aurat punika dipunlampahi Asamani kanthi ikhlas lan boten ngajeng-ajeng paringipun tiyang sanès. Boten sakedhik para pangagem mergi ingkang sakkliwer mlampah, ndhèrèk prihatin kanthi paring arta dhateng Asmani piranti tandha maturnuwun, ananging Asmani namung mèsem lajeng nglajengaken kagiyatanipun.

“Kula boten nate nyuwun arta dhateng para pangagem mergi. Arta ingkang diparingaken punika, kula ginakaken kagem tumbas songkro, supados saged ngangkut watu.” Ngendikanipun Asmani ingkang sampun kesupèn tanggal yuswanipun.

Kagiatan punika dipunlampahi déning Asmani ngantos boten tepang wekdal. Mangsa rendheng punapa déné mangsa ketiga  Asmani taksih giyat nambal  mergi ingkang bolong punika. Kanthi ngginakaken caping utawi sarung ingkang dipungubetkaken wonten ing mustakanipun saperlu kagem nutupi badanipun saking panas srengéngé. “kula boten gadhah kenalan kanggé nyuwun bantuan. Wontené kali nggih kula mendhet watu  wonten ing kali punika.” Ngendikanipun Asmani.

Nalika mangsa ketiga, Asmani gampil sanget angsal séla wonten ing lèpèn punika, amargi toya wonten ing lèpèn boten santer kados déne nalika mangsa rendheng. Bènten kaliyan mangsa rendheng, Asmani kedhah slulum wonten ing lèpen punika amargi toyanipun kathah lan mili santer. Saksanesipun material sèla, Asmani ugi mundhuti pecahan-pecahan tilaran bangunan ingkang sampun dipunbuang dening tiyang. Sedaya kagiatan punika dipunlampahi déning Asmani piyambak, ananging kala-kala wonten ugi warga masyarakat ingkang ndhèrèk mbiyantu Asmani nambal mergi punika, wonten ugi ingkang ndhèrèk nyumbang séla lan material sanesipun. Mekaten kala wau ingkang njalari Asmani nlajengkaken pandamelanipun. Kados déné boten wonten sayahipun, Asmani taksih giyat nindhakaken pakaryan nambali mergi ingkang risak parah. Asmani taksih setya sanajan sampun suda pamirengan. Tiyang ingkang badhe wawanrembag kaliyan Asmani kedah radi bengok lan radi caket kaliyan talinganipun Asmani punika. Wonten ugi ingkang wawanrembag mawi  cara tulis, ananging kathah-kathahipun Asmani namung gemujeng amargi boten mangertos punapa ingkang dipunsuwunkaken pirsa lawan micaranipun.

Nalika gemujeng, waja kagunganipun Asmani ingkang cacahipun kintun 5 punika katingal sajak damel guyu. Warga bingah mirsani solah bawanipun Asmani lan sami ndherek ndongakaken kagiyatanipun Asmani ingkang kaitung mulya punika. Siaosa sampun suda pamirengan ananging Asmani taksih mawas nalika kagiyatan mliginipun kagiyatan wonten ing pinggir mergi, sinosa boten mireng klakson utawi sakliweranipun kendharaan ingkang sami ugal-ugalan, syukur Asmani taksih rahayu ngantos sakpunika boten nate kesrempet motor punapa déné mobil.

Taksih Risak

Sasampunipun kagiyatan, Asmani ngaso wonten ing sishipun kalèn irigasi. Papan punika inggih papan kagem ngaso sawatawis saksampunipun asmani nyambut damel nambal mergi. Panjenenganipun masuh pangarasanipun, masuh rasukan ingkang sampun kathah kringet punika lajeng siram wonten ing papan punika. Asmani punika mlebet tiyang ingkang sedherhana, Panjenenganipun gesang kaliyan rayinipun ingkang nama Bastari 53 taun ing Désa Singamerta. Dalemipun asmani awujud bangunan ingkang nggadhahi amba 60 mèter persegi wonten ing gang désa ingkang boten saged dipunlampahi mobil. Dalem punika boten nggadahi plafon sakhéngga gendhèng wonten nginggilipun katingal. Tègelé namung saking tègel semèn sakwontenipun. Saben dintenipun namung dhahar sekul lawuh iwak asin, tigan, lan sayur asem, ananging punika tansah dipunsyukuri dening Asmani.