Ardini Pangastuti

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

Ardini Pangastuti ya iku sawijining pangripta babagan basa jawa utawa sastrawan basa jawa. Ardini Pangastuti nduwé jeneng komplit yaiku Suciati Ardini Pangastuti. Dhéwéké lair ing Kacangan, Tulungagung, Jawa Wétan tanggal 16 Nopember 1960. Saiki dhéwéké urip ing Carikan, Taman Martani, Kalasan, Ngayogyakarta. Dhéwéké nduwé garwa yaiku Banuarli Ambardi, ahli ilustrator lan pelukis saka Ngayogyakarta[1].

Péndidikan formal Ardini yaiku SD (lulus 1973) ing Kacangan, SMP (lulus 1976) ing Ngunut, lan SMEA (lulus 1979) ing Tulungagung, Jawa Wétan. Dhéwéké wiwiti nulis sastra jawa pas ijék sekolah ing SMP, dhéwéké nulis cerkak "Diary Biru" kang mlebu ing majalah Jaya Baya. Wiwit taun 1995, dhéwéké dadi pangripta sastra jawa nganti tekan saiki. Ardini nulis pirang_pirang werna sastra, wiwit cerkak, guritan, lan nganti cerbung. Cerbung sing dhéwéké gawé kaping sepisan yaiku "Iséh Ana Dina Esuk" kang mlebu ing majalah Djaka Lodang (1988). Dhéwéké seneng nganggo jeneng samaran yaiku Eva Rahmawati.

Ing taun 1986 dhéwéké coba-coba ngirim cerkak menyang Jaya Baya lan akhiré bisa mlebu, dhéwéké akhiré coba-coba manèh. Bebarengan wektu kuwi, sanggar Triwida ing Tulungagung nganakaké saraséhan sing ngundang kabéh sastrawan se-Jawa. Ardini nekani saraséhan kuwi mau saéngga bisa ketemu karo sastrawan-sastrawan kang wus kondang jaman kuwi kaya ta Suparto Brata lan sak pituruté. Sakwusé saraséhan rampung, Tiwiek S.A lan Tamsir A.S ngajak dhéwéké mélu dadi anggota ing sanggaré. Kesempatan kuwi mau ora di tolak dening Ardini. Dhéwéké malah tambah semangat nulis sastra sakwusé dhéwéké mélu sanggar.

Ing taun 1989, Ardini pindah menyang Ngayogyakarta lan mélu nggabung marang Suparto Brata, Tamsir A.S., dan J.F.X.Hoery ngripta majalah Praba nganggo bentuk sing anyar. Bebarengan wektu kuwi mau, majalah Jaka Lodang sing kantore ana ing Ngayogyakarta, njaluk Ardini nyengkuyung majalah kuwi. Ardini kapeksa wira-wiri Semarang-Jogja amarga dhéwéké bebarengan wektu kuwi melu garwane pindah menyang Semarang.

Karya-karyane Ardini sing wus di terbitake yaiku, ''Iseh Ana Dina Esuk'' (cerbung, Djaka Lodang, 1988), ''Langit Perak Ing Ndhuwur Nusa Dua" (cerbung , Djaka Lodang, 1990), ''Bumerang'' (novel, Bina Ilmu,1991), ''Anggaraini'' (cerbung,Mekar Sari, 1990), ''Nalika Prau Gonjing'' (novel, Sinar Wijaya, 1993), ''Garising Papesthen'' (cerbung, Mekar Sari, 1997), Lintang (novel, Adhigama, 1997), lan ''Kidung Jaman'' (antologi guritan, Adhigama, 1999).

[2][besut | besut sumber]

Rujukan[besut | besut sumber]

  1. "Kesultanan Ngayogyakarta Hadiningrat". Wikipedia bahasa Indonesia, ensiklopedia bebas (ing basa Indonesia). 2018-04-04. 
  2. Dhanu Priyo, Prabowo (2015). Ensiklopedia Sastra Jawa. Ngayogyakarta: Prabowo Dhanu Priyo. kk. 29–31. ISBN 9789791852357.