Andréas Granqvist

Andreas Granqvist ing Tim Nasional Swèdhen Piala Donya Ruslan 2018

Andréas Granqvist ya iku salah sijiné pamaén bal-balan kang lair ana ing Paarp, Swèdhen, 16 April 1985, kanthi dhuwur 1,92 mèter. Dhèwèké minangka bèg tengah lan kaptin bal-balan ing Swèdhen kang aran Blagult utawa tim biru-kuning. Dhèwèké amung duwé loro ancas minangka pamaén bal-balan kang wasis, ya iku ngupaya sabecik-beciké lan menangaké pasanggiri sajroning bal-balan ing lapangan. Piala Donya dadi impènané Granqvist wiwit umur 20 taun. Kamangka, dhèwèke wus kagabung ana ing tim nasional Swèdhen wiwit taun 2006, nanging sewates kualifikasi Piala Donya. Amarga pènsiunané Ibrahimovic, njalari Granqvist bisa ana manèh ing tim nasional iki.

Pakaryan/Karir

Granqvist kang urip ana ing Paarp, tlatah kidul Swedhèn, miwiti pakaryan bal-balan kanthi wasis ing Helsinborgs IF taun 2004 nalika umuré  20 taun. Telung taun aktif ing bal-balan, dhèwèké banjur menyang Inggris lan kagabung ing Wigan Athletic. Amarga ora krasan, dhèwèké metu saka Wigan Athletic lan kagabung ana ing Tim Nasional Krasnodar, Ruslan nganti limang taun. Ing tahun 2018, Granqvist bali menyang Swèdhen manèh lan gabung karo Tim Nasional Helsingborgs, Swèdhen. Saiki, dhèwèke ngutamakaké mbéla, ngupadi negarané dhéwé yaiku kanthi menangaké Piala Donya 2018.

Kiprah ing jagad bal-balan

Sakwisé kagabung manèh karo tim ing Swedhèn, pasanggiri kapisan kang dilakoni ya iku nglawan Koréa Selatan, dhèwèké kanthi prigel bisa ndayani kiperé negara Gingséng kanthi skor 1-0. ​​​​​Tumeka babak penyisihan grup Piala Donya, dhèwèké bisa nggawa regu lan negarané ing posisi paling dhuwur Grup F. Regu Blagult utawa tim biru-kuning iku bisa nglumpukaké enem poin padha karo Mexico kang lolos ing babak 16. Pasanggiri kapindho yaiku dina Rebu (27/6/2018), ing pasanggiri pungkasan nglawan Mexico, kang dipandhégani déning Granqvist, Swedhèn nuduhaké upaya kang becik. Ana ing posisi katelu sakngisoré Mèxico lan Jerman, Swedhèn kudu menang supaya bisa lumebu pasanggiri sabanjuré. Granqvist minangka pemain bertahan, katon waé ana ing ngarep gawang Mexico, ngéwangi kanca-kancané nalika nyerang lan golèk kalodhangan supaya bisa nyéthak gol. Gol iku dadi gol kapindho Granqvist uga pinalti kapindho kang bisa gol.

Granqvist minangka "Pria Tua"

Piala Donya 2018 pancèn dadi impènané Granqvist. Dhèwèké mangerti, ing umuré kang wis ora enom, bisa lolos lan maén ing pasanggiri bal-balan paling gedhé iku ora gampang lan durung mesthi bisa dadi kalodhangan kang bisa teka kaping pindho. mandhégani kanca-kancané wiwit babak kualifikasi, Granqvist katon wasis anggone nglawan mungsuhé ing lapangan. Nalika nglawan Italia ing sasi Novèmber kapungkur, kang dadi pamaén utama ya iku Granqvist lan Victor Lindelof. Pungkasan, tim kang dipandhégani bisa lumebu babak saterusé, sawisé kalah kaping pindho ing babak kualifikasi. Lelakon kang bisa waé amung dilakoni kaping pisan déning Granqvist ing umuré kang wis 33 taun.

Prestasi

Granqvist bisa nggawa tim Swedhèn dadi tim kang wasis, dudu dadi pamaén-pamaén kang wasis. The Independent ngundang dhèwèké minangka paraga pangupaya tinimbang juru maén bal-balan, kang mesthi duwé upaya kang becik sajroning pasanggiri. Kamangka, Granqvist wis maén karo Tim Nasional Swedhèn U-21 wiwit taun 2006 kepungkur. Amarga kualifikasi Piala Donya lan pènsiunané Ibrahimovic, ndadèkaké dhèwèké misuwur manèh.

Gol Internasional :

• Piala Donya taun 2018, babak kualifikasi fase grup nglawan Koréa Kidul, minangka gol kapisan
• Piala Donya taun 2018, babak kualifikasi fase grup nglawan México kanthi tendhangan pinalti, minangka gol kapindho lan tendhangan pinalti kapindho

Pangaji

Amarga kaprigelané kang becik anggone tandhing lan mandhédani kanca-kancané, Granqvist éntuk pangaji minangka paraga bal-balan kang wasis Swèdhen taun 2017, yaiku kang misuwur kanthi jeneng Guldbollen utawa paraga paling apik Swèdhèn taun 2017. Pangaji iku dadi bab kang ndadèkaké Granqvist samsaya prigel ing pasanggiri Piala Donya Ruslan. Para warga ing Swèdhen padha nyeluk kanthi jeneng “Granen” kang ateges wit natal, amarga saka pangaribawané kang kukuh lan gawé pepadhang ing Swèdhèn. Saka kekadéyan iku, Granqvist samsaya misuwur lan dikenal déning warga lan lembaga-lembaga ing Swèdhen.