Alel

Saka Wikipédia Jawa, bauwarna mardika basa Jawa

Sajeroning genetika, alel (saka basa Inggris allele) wujud wangun-wangun alternatif saka gen utawa urutan basa nitrogen ing siji sègmèn DNA tinentu (lokus). Alel kawangun amarga anané prabédan cilik (variasi) ing siji utawa sapérangan urutan basa tinentu.

Lokus sing duwé alel sajeroning siji populasi ditélakaké asifat polimorfik lan, suwaliké, ditélakaké asifat monomorfik ("sawangun") yèn ora duwé variasi. Amarga gen utawa sègmèn DNA bisa diekspresikaké dadi siji fenotipe tinentu, anané alel bisa ngakibataké prabédan tampilan ing antarané individu-individu sajeroning siji populasi.