Al Battani

Saka Wikipédia Jawa, bauwarna mardika basa Jawa
Foto Al Battani

Al Battani ya iku sawijining penemu kang nemu cacahing dina ing setaun.[1] Jeneng pepaké ya iku Abu Abdullah Muhammad ibn Jabir ibn Sinan Al-Battani.[1] Wong Éropah mènèhi jeneng kanthi sebutan AlBategnius.[1] Dhèwèké lair taun 858 M ing cedhaké kutha Battan, Harran.[1] Dhèwèké dikenal minangka ahli astronomi lan matématika kang paing gedhé ing abad pertengahan.[1] Albattani sinau astronomi lan matématika saka bapaké ya iku Jabir Sin’an.[1] Banjur Dhèwèké nerusaké sinauné ing kutha Rakka, ing pinggire Kali Efrat.[1] Ing abad sanga kang pungkasan, Al Battani pindhah menyang Samarra saperlu nyambut gawé nganti ninggal dunya taun 920 M.[1] Al Battani kasil ngitung cacahing dina sajeroning setaun (taun Masèhi) kanthi dhedhasar itungan wektu kang digunakaké bumi anggoné muteri srengéngé, ya iku 365 dina, 5 jam, 46 menit, lan 24 detik.[1] Dadi, panentuan cacah 365 dina ing setaun dudu angger-anggeran, nanging dhedhasar itungan kanthi setiti.[1] Minangka ilmuwan, Al Battani nulis akèh ngenani buku astronomi kang paling dipercaya déning masarakat.[2] Ing abad pertengahan, wong-wong Éropah nganggo panemon iki nganti abad pencerahan.[2]

cathetan Suku[besut | besut sumber]

  1. a b c d e f g h i j [Muchlisin Asti, Badiatul, dkk. 2009.105 Tokoh dan Perintis Dunia.Yogyakarta:Narasi Hal. 16]
  2. a b [Muchlisin Asti, Badiatul, dkk. 2009.105 Tokoh dan Perintis Dunia.Yogyakarta:Narasi Hal. 17]