Adolphus Peter Elkin
Adolphus Peter Elkin ya iku ahli antropologi saka New South Wales, Australia, kalairan taun 1891[1]. Adolphus naté olèh pandhidhikan saka Sydney University, BA taun 1915 lan MA taun 1922. Sabanjuré, dhèwèké iki olèh gelar Ph.D. saka ing University College London taun 1927[2]. Adolphus naté nglakoni panlitian lapangan ana ing Kimberley, Austarlia kulon (1927), Austalia kidul (1930), lan Papua Nugini (1946, 1949, lan 1956)[1][2]. Saka panlitian-panlitiané mau, dhèwèké nulis karya-karya antropologis kaya déné ‘Studies in Australian totemism’ ana ing jurnal Oceania Monographs (1933), The Australian Aborigines (1938), lan Aboriginal Men of High Degree (1945)[1][3]. Ing bab bebrayan aborigin Australia, Adolphus duwé pisumbangan ing kajian kompléksitas agama, ritual, totemisme, mitologi, lan organisasi sosial[1].
Rujukan
[besut | besut sumber]- ↑ a b c d Amit, Vered, (2004). Biographical Dictionary of Social and Cultural Anthropology. London: Routledge. kc. 194. ISBN 020364459X. OCLC 436848672.
{{cite book}}: CS1 maint: extra punctuation (link) - ↑ a b Wise, Tigger. Australian Dictionary of Biography. Canberra: National Centre of Biography, Australian National University.
- ↑ "Adolphus Peter Elkin". Discogs (ing basa Inggris). Dibukak ing 2018-01-03.