Acadèmia Valenciana de la Llengua

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Kantor gedhé Akadhemi València kanggo Basa

Acadèmia Valenciana de la Llengua (cara maca ing baca València: [akaˈðɛmia valensiˈana ðe la ˈʎeŋɡwa], cara Jawa: Akadhemi València kanggo Basa), uga kawentar sarana akronim AVL, ya iku bebadan kang diyasa kala surya 16 Sèptèmber 1998 déning Parlemèn València. Bebadan iki minangka salah siji bebadan resmi kang kawenang ngripta Generalitat Valenciana, miturut Undhang-Undhang Otonomi Masarakat València.

Kawenangan pokok bebadan iki ya iku mesthèkaké lan nemtokaké wewaton resmi tumrap basa València kang dituturaké Masarakat València (ing laladan liya diarani basa Katala), lan nyengkuyung panganggoné. Miturut paugeran dhasar, pranatan basa garapané AVL ngenani basa València kudu (1) dhedhasar kaanan nyata basa València sajatiné ing wayah saiki, (2) jumbuh karo tradhisi kasastran lan lèksikografi, lan (3) wiwit saka paugeran kakonsilidasi kang dhedhasar Normes de Castelló, ya iku wewaton ortografi basa València katitimangsa taun 1932.

Kantor gedhé Akadhemi València kanggo Basa dumunung ing kutha València.

Pranala njaba[besut | besut sumber]