Abdi Setiawan

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

Abdi Setiawan, (miyos ing Sicincin Sumatera Barat, 7 Desember 1971) piyambakipun punika salah setunggaling seniman bengèn lulusan saking ISI Yogyakarta, akrab dipuntimbali Zet, ingkang remen sanget iyasa karya.  Ing sajroning yasa karya panjenenganipun ajeg nggambaraken panggesangan tumprap kawula bebrayan ing kitha, kayata pasiksan dhumateng titah sawantah, palanyahan utawi prostitusi twin saklintunipun.  

Daya ing karya[besut | besut sumber]

Salah sawijining karya Zet inggih punika instalasi kang awujud reca jalma manungsa kanthi bebakalan wreksa jati. Daya kekiyatan ing karya Abdi ingkang mbèntenaken kaliyan karya seniman-seniman sanès inggih punika ing proses represéntative, proses piyambaikipun ngèstha rambah saking karyanipun. Reca ingkang awujud janma kala wau anduwèni sesipatan nyata (realitas), kanyatan ngantos ukuran sayektosipun, twin agemanipun. Tiga daya kakiyatan lintunipun ing karya Abdi Setiawan inggih punika kapisan, panjenenganipun mbaten kabebani kalian tradisi modernisme kang nuntut intelektualisasi, kaping kalih Abdi nggadhai kalewihan ing daya rekam ngenani karakter janma Indonesia ing panggesangan bebrayan sabendinane, kaping tiga Abdi mbaten kabebani kalian bab tematik ingkang abstrak kagem yasa karya.

Pangaji[besut | besut sumber]

Sajroning yasa karya, Setiawan asring ambèbèr karyanipun ing pameran-pameran, kayata pameran tunggal ing France Cultural Center Yogyakarta warsa 2004 ngenani rekaman panggesangan saben dinten. Kathah pangaji ingkang dipun gayuh dening Abdi kadya pangaji Finalist of Philip Morris Art Award ing warsa 2004.

Miturut Enin Supriyanto wonten ing cathetan kuratorial salah setunggaling pameranipun, karya yasanipun Abdi ngrawuhaken malih tradisi teknik matuk arca wreksa kanthi gagrag nyata (realis). Gagrag kang amèh bubruk, ananging awit saking revitalisasi ugi mblabaraken jarwa ing bab seni rupa kontemporèr. Gagrag punika dados basa ungkab kang vital.

[1]

Rujukan[besut | besut sumber]

  1. 1978-, Dahlan, Muhidin M.,. Almanak seni rupa Indonesia : secara istimewa Yogyakarta. [Jakarta]. k. 660. ISBN 9789791436298. OCLC 848263279.