30 Fèbruari

Saka Wikipédia Jawa, bauwarna bébas abasa Jawa
(Dilih saka 30 Februari)
Kalèndher Swedia Fèbruari 1712

Ing kalèndher Gregorian, Fèbruari isinipun 28 utawi 29 dinten. Nanging ping tiga salebeting sajarah dumados kadadosan ing pundi ing sapérangan nagari, wulan kasebat ndarbèni 30 dinten.

Donya Swedia (ingkang kalebet Finlan nalika samanten) kagungan rencana kanggé nggentos saking kalendhèr Julian dhateng kalèndher Gregorian milai taun 1700 kanthi mbisadinten wuntu salaminipun 40 taun ngajeng. Mila, 1700 sanès arupi taun wuntu ing Swedia, nanging taun 1704 lan 1708 punika taun wuntu ing sajawining rencana. Pupunika njalari kalèndher Swedia dados satunggal dinten langkung rikat tinimbang kalèndher Julian nanging taksih 10 dinten sawingkingipun kalèndher Gregorian. Kabingungan saya kirang nalika taun 1712, kalih dinten wuntu dipuntambahaken, njalari taun kasebat ndarbèni tanggal 30 Fèbruari. Dinten kasebat sami kaliyan 29 Fèbruari ing kalèndher Julian lan 11 Maret ing kalèndher Gregorian. Panggentosan Swedia dhateng kalèndher Gregorian pungkasanipun dipunlampahi taun 1753.

Taun 1929 Uni Sovyèt nepangaken kalèndher révolusionèr Sovyèt ing pundi saben wulan ndarbèni 30 dinten lan tirahan 5 utawi 6 dinten boten arupi péranganing wulan punapa kémawon lan dados dinten préi. Mila, taun-taun 1930 lan 1931 ndarbèni 30 Fèbruari nanging panggentosan kasebat dipunbatalaken ing taun 1932 saéngga tumut kalèdher biyasa malih.

Sacrobosco, satunggaling cendekiawan abad kaping 13 ngeklaim manawi ing kalèndher Julian wulan Fèbruari ndarbèni 30 dinten ing taun-taun wuntu wiwit 44 SM dumugi 8 M nalika Kaisar Augustus nyekak Fèbruari supados wulan Agustus ingkang dipunnamèkaken miturut namanipun ndarbèni panjang ingkang sami kaliyan wulan Juli (ingkang dipunamèkaken miturut pangrumiyinipun Kaisar Julius). Éwadéné makaten boten wonten bukti sajarah ngenani perkawis punika lan kamungelan ageng punika namung satunggiling mitos lami.

Kadadosan Wigati[besut | besut sumber]

Wiyosan[besut | besut sumber]

Séda[besut | besut sumber]

Riyaya[besut | besut sumber]

Sumber[besut | besut sumber]

  • The Oxford Companion to the Year. Bonnie Blackburn & Leofranc Holford-Strevens. Oxford University Press 1999. ISBN 0-19-214231-3. Halaman 98-99.

Pranala njawi[besut | besut sumber]

Sedaya pranala ing ngandhap punika mawi basa Inggris

Uga delengen[besut | besut sumber]