ꦗꦼꦤꦁꦱꦸꦁꦱꦸꦩ꧀
꧋ꦗꦼꦤꦁꦱꦸꦁꦱꦸꦩ꧀ꦲꦶꦁꦒꦶꦃꦥꦸꦤꦶꦏꦱꦭꦃꦱꦠꦸꦁꦒꦭꦶꦁꦝꦼꦝꦲꦫꦤ꧀ꦠꦿꦝꦶꦱꦶꦪꦺꦴꦤꦭ꧀ꦗꦮꦏ꦳ꦱ꧀ꦱꦸꦫꦏꦂꦠ꧉[1]ꦢꦺꦤꦺꦧꦲꦤ꧀ꦝꦱꦫꦶꦥꦸꦤ꧀ꦏꦁꦒꦺꦢꦩꦼꦭ꧀ꦗꦼꦤꦁꦱꦸꦁꦱꦸꦩ꧀ꦆꦁꦒꦶꦃꦥꦸꦤꦶꦏꦒ꧀ꦭꦼꦥꦸꦁꦧꦼꦫꦱ꧀꧈ꦧꦲꦤ꧀ꦧꦲꦤ꧀ꦱꦤꦺꦱꦶꦥꦸꦤ꧀ꦏꦁꦒꦺꦢꦩꦼꦭ꧀ꦗꦼꦤꦁꦲꦶꦁꦲꦤ꧀ꦠꦮꦶꦱꦶꦥꦸꦤ꧀ꦲꦶꦁꦒꦶꦃꦥꦸꦤꦶꦏꦱꦒꦸ꧈ꦠꦼꦭ꧈ꦒ꧀ꦭꦼꦥꦸꦁꦠꦥꦶꦪꦺꦴꦏ꧈ꦱꦲꦒ꧀ꦭꦼꦥꦸꦁꦏꦼꦠꦤ꧀꧉ꦗꦼꦤꦁꦲꦸꦠꦮꦶꦲꦶꦁꦏꦁꦢꦶꦥꦸꦤ꧀ꦮꦱ꧀ꦠꦤꦶꦧꦸꦧꦸꦂꦱꦸꦁꦱꦸꦩ꧀ꦥꦸꦤꦶꦏꦒꦝꦃꦩꦤꦺꦏꦮꦂꦤꦫꦲꦺꦴꦱꦶꦥꦸꦤ꧀꧈ꦤꦔꦶꦁꦱꦢꦪꦫꦎꦱ꧀ꦧꦸꦧꦸꦂꦈꦠꦮꦶꦗꦼꦤꦁꦥꦸꦤꦶꦏꦠꦏ꧀ꦱꦶꦃꦠꦼꦠꦼꦥ꧀ꦏꦢꦺꦴꦱ꧀ꦫꦎꦱ꧀ꦲꦱ꧀ꦭꦶꦤꦶꦥꦸꦤ꧀ꦗꦼꦤꦁꦱꦸꦁꦱꦸꦩ꧀ꦏ꦳ꦱ꧀ꦱꦭꦆꦁꦏꦁꦒꦸꦫꦶꦃꦭꦤ꧀ꦩꦤꦶꦱ꧀꧈ꦱꦼꦢꦪꦫꦲꦺꦴꦱꦶꦥꦸꦤ꧀ꦗꦼꦤꦁꦲꦶꦁꦏꦁꦧꦺꦢꦧꦺꦢꦥꦸꦤꦶꦏꦥꦶꦏꦤ꧀ꦠꦸꦏ꧀ꦱꦏꦶꦁꦥꦼꦊꦁꦏꦥ꧀ꦗꦼꦤꦔꦶꦥꦸꦤ꧀ꦏꦢꦺꦴꦱ꧀ꦠ꧈ꦱꦤ꧀ꦠꦼꦤ꧀ꦏ꧀ꦭꦥꦲꦸꦠꦮꦶꦒꦸꦭꦗꦮ꧉ꦥꦢꦠꦤꦶꦥꦸꦤ꧀꧈ꦗꦼꦤꦁꦢꦶꦥꦸꦤ꧀ꦱꦗꦼꦏꦏꦼꦤ꧀ꦩꦮꦶꦮꦝꦃꦥꦶꦚ꧀ꦕꦸꦏ꧀ꦱꦏꦶꦁꦫꦺꦴꦤ꧀ꦒꦼꦝꦁꦔ꧀ꦒꦶꦤꦏꦏꦼꦤ꧀ꦱꦸꦫꦸꦏꦁꦒꦺꦕꦼꦤ꧀ꦝꦺꦴꦏ꧀ꦲꦶꦥꦸꦤ꧀꧈ꦗꦼꦤꦁꦱꦸꦁꦱꦸꦩ꧀ꦒꦝꦃꦠꦼꦏ꧀ꦱ꧀ꦠꦸꦂꦊꦩ꧀ꦧꦸꦠ꧀ꦱꦲꦺꦁꦒꦕꦺꦴꦕꦺꦴꦒ꧀ꦢꦶꦥꦸꦤ꧀ꦝꦲꦂꦱꦶꦤ꧀ꦠꦼꦤ꧀ꦏꦺꦩꦮꦺꦴꦤ꧀꧈ꦱꦏꦶꦁꦧꦪꦶ꧈ꦠꦶꦪꦁꦱꦏꦶꦠ꧀꧈ꦲꦸꦒꦶꦠꦶꦪꦁꦱꦼꦥꦸꦃ꧉
ꦕꦛꦼꦠꦤ꧀ꦱꦸꦏꦸ
[besut | besut sumber]- ↑ [1] Archived 2022-08-17 at the Wayback Machine. Manis Gurih Pista Jenang Gratis(dipunundhuh tanggal 17 Dhésèmber 2012)