Éksositosis

Saka Wikipédia Jawa, bauwarna mardika basa Jawa
Prosès eksositosis minangka mekanisme transmissine molekul antar sèl neuron
2. Molekul sinyal (neurotransmiter) dibungkus olèh vesikula
7. Eksositosis molekul sinyal

Eksositosis ya iku mekanisme transpor molekul gedhé kaya protéin lan polisakarida, ngiteri membran plasma saka jero teka njaba sèl (sekresi) kanthi cara nggabungake vesikula kang isiné molekul mau karo membran plasma.[1][2] Vesikula transpor kang pedhot karo aparatus Golgi dipindahake déning sitoskeleton tekan membran plasma.[1] Nalika membran vesikula lan membran plasma padha ketemu, molekul lipid membran nyusun ulang awake dhéwé sahengga sakloron membran nggabung.[1] Kandungan vesikulane banjur ketumplek ing jaba sèl.[1] Akèh sèl sekretoris migunakaké eksositosis kanggo ngirim produk-produke ing jaba.[1] Tuladhané sèl tartemtu ing pankreas ngasilaké hormon insulin lan nyekresekake ing getih lumantar eksositosis.[1] Tuladha liyané ya iku neuron utawa sèl saraf kang migunakaké eksositosis kanggo nguculake sinyal kimiawi kang ngrangsang neuron liya utawa sèl otot.[1] Nalika sèl tuwuhan lagi gawé dinding, eksositosis ngetokaké karbohidrat saka vesikula Golgi tekan pérangan njaba sèl.[1]

Uga delengen[besut | besut sumber]

Cathetan suku[besut | besut sumber]

  1. a b c d e f g h Campbell NA, Reece JB, Mitchell LG. 2002. Biologi, Edisi Kelima, Jilid I. Jakarta: Erlangga. Hal:154-155, 126 ISBN 979-688-468-2
  2. Madigan MT, Martinko JM, Brock TD. 2006. Brock Biology of Microorganisms. 11th Ed. New Jersey: Pearson Prentice Hall.