Zhang Zuolin

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Zhang Zuolin (Hanzi: 张作霖, 19 Maret 1873-4 Juni 1928) yaiku salah sijiné panglima perang Tiongkok nalika jaman Républik Tiongkok ing wiwitan abad 20.[1] Zhang Zuolin iku panglima perang kanggo wilayah Manchuria lan tau nguwasani dhaérah kang amba ing bagéyan lor Tiongkok.[1] Zhang Zuolin biyasané diarani Komandhan Gedhé (大帥), Komandhan Udan (雨帥) utawa Macan Mukden.[1]

Zhang Zuolin lair saka kluwarga kang prasaja.[2] Ing karir militèré, Zhang Zuolin tau mbiyantu Jepang ing perang Rusia-Jepang (1904-1905).[2] Zhang Zuolin dadi pamimpin saka milisi Manchuria.[2] Ing pamaréntahan Républik Tiongkok, Zhang Zuolin nduwèni jabatan kang wigati ing militèr.[2] Sawisé diangkat dadi inspèktur jèndral Manchuria nganti Zhang Zuolin mati, dhèwèké nguwasani dhaérah iku.[2] Zhang Zuolin kerep perang kanggo nguwasani dhaérah-dhaérah ing bagéyan kidul wiwit taun 1920 lan saterusé.[2] Zhang Zuolin tau perang karo panglima perang liyané yaiku Wu Peifu lan Feng Yuxiang.[2] Perang iki tujuwané kanggo ngrebut kutha Beijing.[2] Pasukan Fengtian kang dipimpin Zhang Zuolin bisa mimpin dhaérah Beijing lan Tianjin.[2] Kahanan iki kalakon nganti taun 1926, awit sawisé iku Jiang Jieshi (Chiang Kai-shek) bisa mimpim kutha iku sawisé nganakaké èkspèdhisi lor.[2] Jiang banjur meksa para panglima perang kanggo manut lan mbangun pamaréntahan nasional Tiongkok.[2] Sawisé iku jaman panglima perang banjur purna.[2]

Cathetan sikil[sunting | sunting sumber]

  1. ^ a b c (en)britannica.com(diundhuh tanggal 15 Agustus 2011)
  2. ^ a b c d e f g h i j k l (en)history.cultural-china.com(diundhuh tanggal 15 Agustus 2011)

Sumber artikel punika saking kaca situs web: "http://jv.wikipedia.org/w/index.php?title=Zhang_Zuolin&oldid=832067"