Yeongsanjae

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Sutra Teratai

Yeongsanjae inggih menika upacara ritual agama Buddha ingkang dipunwontenaken ing Kuil Bongwon, Seoul, Korea Selatan.[1] Upacara wonten ing kapitadosan Buddhisme menika kanthi ancas paring persembahan dhumateng Buddha supados nuntun gesangipun manungsa, ingkang tasih gesang lan ugi ingkang sampun tilar donya supados pikantuk katentreman.[2] Upacara menika dipunwontenaken kaliyan ritual bompae inggih menika melantunkan sutra Buddha. Kalajengaken kalihan nari tarian ritual Nabichum, Barachum, Beobgochum lan Tajuchum.[3] Upacara menika minangka wujud Warisan Budaya Nonbendawi Korea Selatan Nomor 50 taun 1973 lan ugi minangka Karya Agung Warisan Budaya Lisan lan Nonbendawi Manungsa UNESCO nalika taun 2005. [4]

Sajarah[sunting | sunting sumber]

Kuil Bongwon.

Miturut kapitadosan Buddhisme Korea, Yeongsanjae inggih menika upacara adhedhasar nalika prastawa Buddha paring khotbah Sutra Saddharma Pundarica (Sutra Teratai) ing Gunung Yeongsan (Gunung Gridhakuta) sedaya muridipun, makhluk ingkang gesang wonten ing bumi lan langit rumaos bungah sanget bibar mirangaken khotbahipun.[5][6] Kembang Mandala mandhap saking langit Sakradevanan Indra saking sedaya donya, para Bodhisattva, dewa lan dewi ndhèrèk mandhap dhateng bumi kanggé maringi kembang lan dupa sarta nari kagem Buddha.[5] Sedaya kawontenan menika dipunmanifestasiaken dhateng satunggaling upacara ingkang dipunsebat Yeongsanjae.[5] Upacara menika kanthi ancas nglantaraken pesen babagan reinkarnasi lan pagesangan énggal wonten ing nirwana kanggé tiyang ingkang sampun tilar donya.[5] Kejawi menika upacara menika ugi kanthi ancas supados nuntun manungsa ingkang wonten ing bumi supados pikantuk pancerahan lan pambebasan saking karma, saéngga jiwa-jiwa sedaya makhluk ing bumi, langit, segara, lan alam baka saged slamet lan tentrem.[5]

Upacara Yeongsanjae nedahaken musik lan tarian ritual ingkang nggabungaken ritual asli Korea kaliyan Buddhisme lajeng dipunwontenaken saben setaun kaping pisan ing Bongwonsa (Kuil Bongwon), Seoul.[1] Nalika zaman tengahan Dinasti Joseon, upacara ritual agama Buddha dipunwontenaken kanthi ageng adhedhasar Sutra Teratai.[1] Kados ritual agami sanès, Yeongsanjae menika èksprèsi filosofi lan doktrin agama Buddha kanthi ancas mahyakaken disiplin dhiri.[7]

Beompae[sunting | sunting sumber]

Ritual Beompae menika ngaturaken mantra tanpa tèks sinerat lan dipunwarisaken kanthi lésan.[8] Ritual Beompae kaperang dados mantra anchabi lan geotchaebi[8]. Anchabi menika sekawan nada musik Buddha lan swantun andhap, déné geotchaebi menika mantra dawa.[8]

Tarian[sunting | sunting sumber]

Tarian ingkang dipunpentasaken wonten ing Yeongsanjae gunggungipun wonten 3 ingkang kairingan mantra lan piranti musik kados trompèt (taepyeongso), gong (jing), genderang (buk), simbal lan moktak. Tarian ingkang dipuntedahaken menika Nabichum, Barachum, lan Beopgochum.

Cathetan suku[sunting | sunting sumber]

Pranala njawi[sunting | sunting sumber]

Cithakan:Karya Agung Warisan Budaya Lisan dan Nonbendawi Manusia Korea Selatan

Sumber artikel punika saking kaca situs web: "http://jv.wikipedia.org/w/index.php?title=Yeongsanjae&oldid=843251"