Taepyeongso

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Taepyeongso

Peniup taepyeongso ing Astana Gyeongbok
Jeneng Koréa
Hangeul 태평소
Hanja
Alih Aksara sing disampurnakaké taepyeongso
McCune–Reischauer t'aep'yŏngso

Taepyeongso (태평소) menika satunggaling piranti musik tradisional Korea ingkang arupi suling vertikal ananging mirip kaliyan trompet. Taepyeongso menika jinis uling kanthi nada inggil ingkang dipunjangkepi kaliyan kerucut. Piranti musik menika dipuntepangaken saking Asia Tengah liwat Cina ing pungkasan abad kaping 14. Taepyeongso menika piranti musik ingkang wigati ing dolanan pungmul [1].

Taepyongso menika dipundamel saking kayu ingkang atos kados kayu wit jujube. Taepyongso gadhah ruang kotak swara ingkang dipunwastani Gwandae lan dawanipun 30 cm. Ing bageyan ngajeng Gwandae dipunpasangi Dongpallang ingkang mbentuk kados corong saking tembaga lan dipunpasang Seo ingkang dipundamel saking buluh ing bagéyan sebul. Awit saking menika, piranti musik satunggal menika ngasilaken swantun metalik ingkang beda kaliyan piranti musik déning piranti ingkang kadamel saking pring sanèsipun [2]. Nama sanes kangge taepyeongso inggih menika hojoek, nalmari, utawi swaenap. Wujuding awak kerucut menika kadamel saking kayu atos, lambe lan corong dipundamel saking kuningan [3] . Taepyeongso saged ngasilaken swantun ingkang nyaring, seru, lan bening saéngga kalebet piranti musik ingkang wigati ing dolanan musik ingkang dipungelar ing njawi ruangan antawisipun musik militer ( daechwita ) lan pungmul [2].

Sejarah[sunting | sunting sumber]

Taepyeongso dipuntepangaken ing Korea kapisan nalika periode Dinasti Goryeo saking Cina. Ing Cina piyambak, piranti musik menika dipunwastani suona, dipunadaptasi saking piranti musik Asia Tengah kanthi nama surnay utawi zurna [2].

Kelompok Sadang nglampahaken taepyeongso kanggé narik kawigatosan pamirsa ing hiburan keliling ing dhusun-dhusun. Wonten ing musik militer taepyeongso ginanipun dados melodi utama amargi piranti musik sanesipun namung saged mainaken satunggal nada. Pemain legendaris taepyeongso antawisipun, Choi In Seo ( 1892 - 1978 ) ingkang dados peran ing chwigosu, kelompok pemain perkusi lan piranti musik sebul ing grup daechwita [2].

Ing taun 1970-an, musisi ing Korea Utara damel modifikasi piranti musik menika dados langkung dawa lan nadanipun ugi langkung kathah variasinipun. Gaya anggenipun nglampahaken taepyeongso Korea Utara ingkang kawentar dipunusung déning satunggaling kelompok musik kanthi nama Geumgangsan Opera Troupe ingkang mlampah ing Jepang.

Cathetan suku[sunting | sunting sumber]

  1. ^ [1], (id) Alat musik istana (dipun-akses tanggal 07 Januari 2013).
  2. ^ a b c d [2], (id) Taepyeongso (dipun-akses tanggal 07 Januari 2013).
  3. ^ (en)Taepyeongso (태평소), KBS.
Sumber artikel punika saking kaca situs web: "http://jv.wikipedia.org/w/index.php?title=Taepyeongso&oldid=839998"