Y. Wibowo
Y. Wibowo inggih punika salah satunggaling sastrawan Indonésia ingkang miyos wonten ing Lampung, 3 Dhésèmber 1974.[1]
Biografi[besut | besut sumber]
Y. Wibowo inggih putra kaping gangsal saking pitung sedhèrèkipun. Bapakipun inggih asma Nandar Lasono kaliyan ibunipun, Lasmiyati. Piyambakipun wiwit alit dipunceluk kanthi sebatan Bowo. Nanging, piyambakipun inggih keturunan Jawa, saéngga basa padintenan ingkang asring dipun-ginakaken ing lingkungan kulawarganipun inggih basa Jawa. Bapakipun, Nandar Lasono inggih makarya dados PNS ing Kantor Cabang Dinas Pendidikan dan Kebudayaan kacamatan Tanjungbitang, Lampung.[2] Y. Wibowo sampun naté ngrampungaken sekolahipun wiwit SD saking SD Neger 2 Karanganyar lan lulus ing taun 1987. Lajeng piyambakipun nerasaken sekolah ing tingkat SMP ing SMP Negeri 2 Kedaton, Bandar lampung lan lulus ing taun 1990. Salajengipun Bowo nerasaken sekolah ing SMA Surya Dharma jurusan Fisika lan lulus ing taun 1994. Lajeng Bowo nerasaken kuliah ing jurusan teknik arsitèktur Universitas Widya Mataram Yogyakarta lan saged lulus ing taun 2003. Nalika ngrantau dhateng Yogyakarta, Wibowo saged langkung kreatif lan wiwit kathah nyerat karya sastra lan karya-karyanipun kathah ingkang dipunkirimaken ing manéka warna koran ing Jogja. Nalika ing Yogya, piyambakipun ugi ndhèrèk kathah kagiyatan, kados ta Lomba Penulisan Puisi ing Festival Kesenian YOgya ing taun 1996, lajeng ndhèrèk Pertemuan Penyair Yogya-Singapura.
Padamelanipun[besut | besut sumber]
Y. Wibowo sampun remen nyerat wiwit taksih sinau ing tingkat SMA. Lajeng piyambakipun lajeng mutusaken pindhah dhateng Yogyakarta ing taun 1994 kanggé nerasaken sekolahipun kanthi tetep aktip kanggé sinau nyerat ing sapérangan komunitas seni. Y. Wibowo inggih punika lulusan saking Fakultas Teknik Asitektur Universitas Widya Mataram ingkang remen ugi nyerat puisi, carkak, lan esai. Ing padintenanipun, piyambakipun aktip dados arsitek, lan aktip ing sekolah Kebudayan Lampung (SKL) saha dados direktur penerbit BE Press.[3] Y. Wibowo sesarengan kaliyan Udo Z. Karzi saha Nugroho Este ngedekaken Penerbit Pustaka Labrak (2010). Nalika dumunung ing Yogyakarta, Y. Wibowo sampun naté makarya ing Penerbitan dan Kajian ing Center dor Social Democratic Studies, konsultan arsitèktur ing Pusat Studi Arsitektur Yogyakarta, lan konsultan ing CV. Yudha Karya Cipta Konsultan. Lan sapunika piyambakipun makarya ing penerbitan Mata Kata, Bandarlampung.
Penghargaan[besut | besut sumber]
Y. Wibowo pikantuk penghargaan dados jawara nomer satunggal ing Krakatau Award 2004 saking sajakipun ingkang irah-irahanipun Narasi dari Pesisir.
Asiling Karya[besut | besut sumber]
Déné tuladha asiling karya ingkang sampun dipunanggit déning Y. Wibowo, kados ta:
- Opera Kebun Lada (kempalan sajak, 2005)