Wilangan (matématika)

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Disambig.svg
Artikel iki mbahas 'wilangan' minangka sawijining konsèp jroning matématika. Pangertèn-pangertèn liya saka 'wilangan' bisa dipirsani ing Wilangan (disambiguasi).

Wilangan (basa Jawa Krama: wicalan, basa Indonésia: bilangan), iku sawijining konsèp matématika sing dipigunakaké kanggo pancacahan lan pangukuran. Simbol utawa lambang sing dipigunakaké kanggo makili sawijining wilangan diarani minangka angka utawa lambang wilangan. Jroning matématika, konsèp wilangan sakwéné mataun-taun suwéné wis diwiyaraké kanggo ngliputi wilangan nol, wilangan negatif, wilangan rasional, wilangan irasional, lan wilangan komplèks.

Prosedhur-prosedhur tinentu sing njupuk wilangan minangka lebonan lan ngasilaké wilangan liyané minangka wetonan, diarani operasi numeris. Operasi uner njupuk sawijining lebonan wilangan lan ngasilaké sawijining wetonan wilangan. Operasi sing luwih umum ditemokaké yaiku operasi biner, sing njupuk rong wilangan minangka lebonan lan ngasilaké sawijining wilangan minangka wetonan. Conto operasi biner yaiku tambah, suda, ping, para, lan pangkat. Bidhang matématika sing njabaraké operasi numeris diarani minangka aritmetika.

Pirsani uga[sunting | sunting sumber]