Virus Rubéla
| Virus Rubéla | |
|---|---|
 |
|
| Bentuk virus rubela | |
 |
|
| Virus rubela menimbulkan bercak merah pada kulit |
Virus rubéla yaiku virus kang nyebabake campak jerman (jerman mung simbol) kang nyerang bocah-bocah, wong dewasa, lan uga wong meteng.[1] Virus rubela bisa nyerang bageyan saraf utawa otek kang banjur nyerang kulit kang katandai anane titik-titik abang kaya campak biyasa.[1] Virus iki asale saka kuluwarga virus Togaviridae lan genus Rubivirus.[1]
Bab lan Paragraf |
Habitat [sunting]
Umume, virus rubela urip ing dhaerah tropis, subtropis, lan ing dhaerah kang duwni mangsa semi.[1]
Penularan [sunting]
Virus rubela bisa nular lumantar riyak penderita kang mlebu ing awake wong liya.[2] Saliyane kuwi, virus iki uga nular lumantar cairan awak kayata kringat.[2] Yen daya tahan awak kuwat, virus mau bakal mati.[2] Nanging suwalike, yen daya tahan awak lemes mula virus bakal mlebu ing awak.[2] Virus rubela ora duwe perantara ing panularane, nanging panularane bisa kadadeyan lumantar udhara.[2] Virus rubela bisa ngrembaka ing sel-sel kang nglapisi bageyan mburi gorokan lan irung.[2] Virus iki uga bisa nyebar lumantar aliran getih utawa sistem getah bening ing bageyan awak liyane, kayata:[2]
Mangsa inkubasi [sunting]
Mangsa inkubasi virus iki kawiwitan kathi anane gejala flu entheng nganti anane titik-titik abang ing kulit.[1] Mangsa inkubasi bisa kedadeyan kanthi wektu 7-20 dina.[1]
Efek [sunting]
Efek kang ditimbulake virus rubela yaiku panas kanthi suhu kang luwih dhuwur, flu, ngelu-ngelu, kepengin mutah, lemes, oto kemeng, lan nimbulake titik-titik abang ing kulit.[3] Umume, titik-titik abang kang ditimbulake kawiwitan saka rai, banjur nyebar ing sekabehing awak.[3] Kelenjar getah bening kang ana ing mburi kuping (poustauricula), tengkuk (subbocipital), lan gulu (cervical) bakal gedhe.[3]
