Victoria saking Britania Raya

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Ratu Victoria
Queen Victoria -Golden Jubilee -3a cropped.JPG
Masa kakuwaosan 20 Juni 1837-22 Januari 1901
Pangrumiyin William IV
Pangganti Edward VII
Garwa Pangéran Albert saking Saxe-Coburg
lan Gotha
Katurunan Victoria, Putri Karajan
Edward VII
Putri Alice
Alfred, Duke saking Saxe-Coburg
lan Gotha lan Edinburgh

Putri Helena
Putri Louise
Arthur, Duke saking Connaught
lan Strathearn

Leopold, Duke saking Albany
Putri Beatrice
Dhinasti Karajan Hanover
Bapa Edward Augustus, Duke saking Kent
lan Strathearn
Ibu Victoria saking Saxe-Coburg-Saalfeld
Miyos 24 Mei 1819
Tilar donya 22 Januari 1901

Victoria (Alexandrina Victoria) (24 Mei 181922 Januari 1901) punika Ratu saking Britania Raya lan Irlandia wiwit tanggal 20 Juni 1837, lan Ratu India wiwit tanggal 1 Januari 1877, dumugi sédanipun taun 1901. Pamaréntahanipun langkung saking 63 taun, langkung lami tinimbang raja utawi ratu Britania pundi kémawon. Pamaréntahan Victoria dipuntengeri déning èkspansi ageng-agengan saking Imperium Britania. Zaman Victoria punika puncak saking Révolusi Industri, satunggiling wekdal éwah-éwahan sosial, ékonomi, lan tèknologi ingkang wigatos ing Britania Raya. Ing masa kasebat, Imperium Britania dumugi puncakipun lan dados satunggiling nagari adhi kuwaos ingkang digjaya.

Victoria, ingkang mèh sapenuhipun rahipun Jerman (kejawi saking leluhuripun Sophia saking Hanover ingkang arupi wayah saking garis pawèstri saking James I), punika ratu pungkasan saking Dinasti Hanover; panggantosipun, Raja Edward VII asalipun saking Dinasti Saxe-Coburg lan Gotha.

Awal kagesangan[sunting | sunting sumber]

Bapanipun Victoria, Duke saking Kent lan Strathearn, punika putra angka sekawan saking Raja George III lan Ratu Charlotte. Ibunipun punika Putri Victoria saking Saxe-Coburg-Saalfeld. Putra pambajeng George III, Pangéran Wales (ing tembé wingking Raja George IV), namung kagungan setunggal yoga, Putri Charlotte Augusta saking Wales. Nalika Putri Charlotte Augusta tilar dony aing taun 1817, putra-putra kakung Raja George III ingkang dèrèng palakrami rebatan palakrami lan pikantuk putra kanggé njamin garis keturunanipun. Ing yuswa 50 taun, Duke saking Kent lan Strathearn palakrami kaliyan Putri Victoria saking Saxe-Coburg-Saalfeld, sedhèrèk putri saking dhudha Putri Charlotte Pangéran Leopold saking Saxe-Coburg-Saalfeld lan randhanipun Karl, Pangéran saking Leiningen.

Victoria, putri tunggal saking pasangan wau, dipunwiyosaken ing Istana Kensington, London tanggal 24 Mei 1819. Panjenenganipun dipunbaptisaken ing Ruang Cupola saking Istana Kensington tanggal 24 Juni 1819 déning Uskup Agung Canterbury (Charles Manners-Sutton), lan tiyang sepuh baptisipun punika Pangéran Regent, Kaisar Alexander I saking Russia (kanggé ngurmati panjenenganipun, piyambakipun dipun paringi asma pisanan selaras kaliyan Kaisar Alexander), Ratu Charlotte saking Württemberg lan Dowager Duchess saking Saxe-Coburg-Saalfeld.

Éwadéné dipunbaptisaken kanthi asma Alexandrina Victoria, wiwit miyos panjenenganipun sacara resmi dipunsebat Ingkang Mminulya Putri Victoria saking Kent.

Pirsani ugi[sunting | sunting sumber]

Rujukan[sunting | sunting sumber]

  • Auchincloss, Louis. Persons of Consequence: Queen Victoria and Her Circle. Random House, 1979.
  • Cecil, Algernon. Queen Victoria and Her Prime Ministers. Eyre and Spottiswode, 1953.
  • Eilers, Marlene A. Queen Victoria’s Descendants. 2d enlarged & updated ed. Falköping, Sweden: Rosvall Royall Books, 1997.
  • Farnborough, T. E. May (1st Baron). Constitutional History of England since the Accession of George the Third. 11th ed. Longmans, Green, 1896.
  • Hibbert, Christopher. Queen Victoria: A Personal History. Viking, 2000.
  • Potts, D. M. & W. T. W. Potts. Queen Victoria’s Gene: Haemophilia and the Royal Family. Alan Sutton, 1995.
  • The Royal Household. (2004). "Victoria." Official Website of the British Monarchy.
  • "Queen Victoria." Encyclopædia Britannica. 11th ed. Cambridge University Press, 1911.
  • Weintraub, Stanley. Victoria: An Intimate Biography. Dutton, 1987.