Tomesode

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Kurotomesode
Irotomesode

Tomesode (留袖?) inggih menika kimono paling formal kagem wanita ingkang sampun mantèn [1]. Tomesode saking kain krep kanthi warna ireng ingkang dipunwastani kurotomesode (tomesode ireng), lajeng tomesode ingkang saking kain krep mawi warna dipunwastani irotomesode (tomesode warna). Miturut urutan tingkang formalitas, tomesode menika busana ingkang paling formal sejajar kalihan busana wengi. Istilah tomesode asalipun saking tradisi wanita ingkang sampun mantèn utawi sampun nglampahi genbuku kanggè damel cendhak lengen furisode ingkang dipunginakaken nalika tasih enèm [2].

Kurotomesode namung dipunagem minangka busana formal dhateng pesta mantènan sanak sedulur, pesta-pesta, sarta upacara ingkang resmi sanget. Kimono jinis menika kalebet busana ingkang dipunagem garwa nakōdo nalika dugi ing pesta mantènan. Bahan kagem kurotomesode inggih menika kain krep ireng tanpa motif tenun. Corak minangka tandha kabegjan kados manuk jenjang utawi seruni ing bageyan ngandhap kimono. Posisi corak kain menika trep kalihan umur ingkang ngginakaken, sansaya inggil yuswanipun lajeng corak kain ingkang dipunagem menika mapanipun sansaya mangandhap. Lambang kulawarga kanthi jumlah gangsal : setunggal wonten ing punggung, setunggal pasang wonten ing wingkingipun lengen, lan sepasang malih wonten ing dada bageyan nginggil.

Benten kalihan kurotomesode, irotomesode boten kedah dipunhiasi kalihan gangsal lambang kulawarga. Gumantung kalihan formalitas adicaranipun, irotomesode cekap dipunjangkepim tiga lambang kulawarga (setunggal wonten ing punggung, setunggal pasang wonten ing bageyan lengen) utawi cekap setunggal ing bageyan punggung. Irotomesode dipunagem minangka busana formal nalika dipunulemi dhateng adicara mantenan sanak sedulur, ugi upacara resmi. Kain kagem irotomesode saged arupi kain krep tanpa motif tenun utawi kain krep mawi motif tenun kados monishō, rinzu, lan shusuji. Wanita dèrèng manten ugi kenging ngginakaken irotomesode, ananging menawi sampun sepuh utawi boten purun ngginakaken homongi. Upacara resmi ing astana kaisar para tamunipun ngginakaken. Ireng menika minangka warni dhuka kalebet alesan kenging menapa kurotomesode boten dipunagem.

Sajarah[sunting | sunting sumber]

Miturut tradisi zaman Edo, wanita ingkang sampun manten ngewahi furisode ingkang nate dipunginakaken nalika tasih enèm. Tradisi ingkang sami kagem wanita enèm ing nginggilipun 18 taun ingkang sampun genbuku, ananging dèrèng mantèn.[3] Lengen furisode ingkang dawa dipungunting, lan bikakan ing lengen furisode (furiyatsuguchi) dipunjait. Ing kala menika, wanita enem ingkang melambaikan lengen furisode minangka pratandha nalika wonten jaka ingkang dipunremeni. Bibar manten, lengen furisode ingkang dawa boten dipunagem malih lan dipungunting. Tradisi kasebut dipunwastani tomesode amargi sode (lengen kimono) dipundamel mandeg (tomeru).[3] Saking tradisi kasebut, kimono formal kagem wanita ingkang sampun manten dipunsebat tomesode.

Kimono ingkang wonten samenika minangka tomesode inggih menika kimono mawi corak edozuma (江戸褄?) wonten ing suso (bageyan ngandhap kimono). Saking ngandhaping gulon (kerah) dumugi bagéyan ngandhap kimono dipunhiasi mawi corak minangka tandha kabegjan. Corak ingkang sami kondhang wonten ing kalangan geisha ing Edo nalika 1804-1829. Corak kasebut saged ugi niru saking kimono ingkang dipunagem ing Ōoku saengga dipunwastani edozuma.[4]

Cathetan suku[sunting | sunting sumber]

  1. ^ (id) Pakaian tradisional Jepang, (dipunakses tanggal 16 Februari 2013)
  2. ^ (id) Kimono, (dipunakses tanggal 16 Februari 2013)
  3. ^ a b "留袖". 日本文化いろは事典. http://iroha-japan.net/iroha/B01_clothes/02_tomesode.html.
  4. ^ Tanaka, Masako (1997). 着付けをマスターする (Kitsuke o master suru). Tokyo: 女性モード社. p. 146. ISBN 4-9152-5955-2.

Cithakan:Pakaian-stub

Sumber artikel punika saking kaca situs web: "http://jv.wikipedia.org/w/index.php?title=Tomesode&oldid=851894"