Furisode

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Wanita enèm ngagem furisode

Furisode (振袖?) inggih menika kimono mawi lengen wiyar ingkang dipunagem déning wanita enèm ingkang dèrèng manten [1], Dipundamel saking bahan kanthi werni ingkang cerah, motif kain arupi kembang lan tanduran, kaÈndahan musim, kéwan utawi peksi ingkang dipungambar ngginakaken asta mawi teknik yuzen. Kain ugi saged langkung mewah kanthi tambahan bordiran benang emas. Bikakan ing bagéyan lengen celak kalihan kèlèk dipunwastani furiyatsuguchi (振八つ口?). Bikakan kasebut sengaja boten dipunjait dumugi mbentuk kantong lengen busana ingkang dipunsebat tamoto (?) dumugi bagéyan pucuk lengen. Wiyaripun tamoto ing furisode dumugi 114 cm utawi menjuntai dumugi sekitar pergelangan suku.

Miturut urutaning tingkat formalitas, furisode menika kimono ingkang paling formal [2]sejajar kalihan kurotomesode, irotomesode, lan homongi. Furisode dipunagem minangka busana paling saé kagem pesta mantenan (nalika dugi minangka tamu utawi minangka busana penganten wanita), miai, lan upacara resmi, kadosta seijin shiki, wisuda, utawi resepsi bibar wisuda (shaonkai). Alas suku kagem furisode menika zōri mawi hak inggil.

Jinis[sunting | sunting sumber]

Adhedhasar wiyaripun lengen, furisode kapérang dados tigang jinis inggih menika :

  • ōburisode (furisode ageng, wiyaripun lengen kirang langkung 114 cm),
  • chūburisode (furisode sedengan, wiyaripun lengen saking 90 cm dumugi 102 cm ), lan
  • koburisode (furisode alit, wiyaripun lengen saking 70 cm dumugi 80 cm).

Jinis furisode ingkang paling umum inggih menika chūburisode. Wanita kanthi yuswa 20 taun ngagem chūburisode nalika dugi ing seijin shiki. Nalika dipunulemi dhateng pesta mantenan, tamu ngagem chūburisode mawi werni ingkang langkung peteng lan nyingkiri werni ingkang cerah. Pesta ingkang boten formal lan upacara ngunjuk th (hatsugama) para tamu ngginakaken koburisode.

Sajarah[sunting | sunting sumber]

Bikakan ing bageyan lengen kimono (furiyatsugichi) wiwitanipun asalipun saking kimono (kosode) kagem lare ingkang sengaja dipunbikak kanthi wiyar ing bageyan kelek. Klambi kagem lare boten ing bageyan kelek boten dipunjait supados lare langkung bebas gerak katandingan kalihan tiyang ageng. Wonten ing lukisan Chigotaishi saking zaman Kamakura katingal satunggaling lare ngagem kosode ingkang gadhah furiyatsuguchi.

Model kimono saking Cina wiwitanipun mawi lengen ingkang sempit. Bagéyan lengen awujud pipa kados lengen klambi busana kilenan (Barat). Kimono mawi lengen ingkang sempit kirang nyaman dipunginakaken wonten ing Jepang ingkang gadhah iklim lembab. Begayan lengen lajeng dipundamel sansaya wiyar supados angin saged mlebet. Furisode mawi lengen ingkang wiyar dipunkenal tiyang jaman samenika asalipun saking model furisode wiwitan zaman Edo. Kala menika, furisode dipundamel kanthi nyonto kostum mawi lengen wiyar ingkang dipunagem para penari.

Nalika paruh kapisan zaman Edo, wanita enem ngagem kimono kanthi bageyan lengen (tamoto) ingkang dipundamel sansaya wiyar miturut pangembangan mode. Saking taun 1658 dumugi 1672, wiyaripun tamoto kirang langkung 45 cm, ananging saking 1684 dumugi 1687 sansaya wiyar dumugi 60 cm. Wonten ing periode 1716-1735, wiyaripun dados 75 cm, lajeng tambah wiyar dumugi 87 cm antawisipun taun 1751 lan 1763. Bibar gesangipun rakyat ing tengahan zaman Edo sansasya makmur, furisode kondhang minangka busana ing kalangan tiyang èstri anak saking panguwais. Sanajan mekaten, nembé saking zaman Meiji, furisode dipuntampi kanti wiyar minangka busana formal wanita enèm ingkang dèrèng manten.

Cathetan suku[sunting | sunting sumber]

  1. ^ (id) kimono, (dipunakses tanggal 12 Februari 2013)
  2. ^ (id) Jenis-jenis kimono, (dipunakses tanggal 12 Februari 2013)

Pranala njawi[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Furisode&oldid=840052"