Télévisi digital

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
(Dipunpindhah saking Tipi digital)
Langsung menyang: pandhu arah, pados
Tipi digital.jpg

Télévisi digital utawa DTV yaiku jinis télévisi kang nggunakaké modulasi digital lan sistem komprési kanggo nyiaraké sinyal gambar, swara, lan data marang pesawat télévisi. Télévisi digital arupa piranti kang digunakaké kanggo nyekel siaran TV digital, perkembangan saka sistem siaran analog marang digital kang ngubah informasi dadi sinyal digital bentuké bit data kayata komputer.[1].

Pemicu perkembangan[sunting | sunting sumber]

Pendorong ngrembakané télévisi digital kayata:

  • Perubahan lingkungan eksternal
    • Pasar télévisi analog kang wis jenuh
    • Kompetisi kanthi sistem penyiaran satelit lan kabel
  • Perkembangan teknologi
    • Teknologi pemrosesan sinyal digital
    • Teknologi transmisi digital
    • Teknologi semikonduktor
    • Teknologi peralatan kanthi solusi dhuwur

Frekuensi TV digital[sunting | sunting sumber]

Sacara teknis, pita spektrum frekuensi radio kang digunakaké kanggo télévisi analog bisa digunakaké kanggo penyiaran télévisi digital. Perbandingan amba pita frekuensi kang digunakaké téknologi analog kanthi teknologi digital yaiku 1:6. Dadi, yèn téknologi analog merlokaké amba pita 8 MHz kanggo sak kanal transmisi, teknologi digital kanthi amba pita kang pada (nggunakaké teknik multipleks) bisa mancaraké akéhé 6 nganti 8 kanal transmisi sekaligus kanggo program kang béda.

Télévisi digital ditunjang déning teknologi panampa kang bisa adaptasi jumbuh karo lingkungané. Sinyal digital bisa kacekel saka jumlah pemancar kang mbentuk jaringan kanthi frekuensi padha saéngga daerah cakupan TV digital bisa diambakaké. Télévisi digital duwéni peralatan swara lan gambar kanthi format digital kayata kang digunakaké kamera video.

Sistem pemancar TV digital[sunting | sunting sumber]

Ana 3 standar sistem pemancar télévisi digital ing dunya, yaiku télévisi digital (DTV) ing Amerika, penyiaran video digital terestrial (DVB-T) ing Eropa, lan layanan penyiaran digital terestrial terintegrasi (ISDB-T) ing Jepang. Kabèh standar sistem pemancar sistem digital kanthi basis sistem pengkodean OFDM kanthi kode suara MPEG-2 kanggo ISDB-T lan DTV sarta MPEG-1 kanggo DVB-T.

Tinimbang karo DTV lan DVB-T, ISDB-T fleksibel banget lan duwéni keluwihan utamané ing panampa sistem seluler. ISDB-T kasusun saka ISDB-S kanggo transmisi lumantar kabel lan ISDB-S kanggo tranmisi lumantar satelit. ISDB-T bisa diaplikasèkaké ing sistem kanthi ambané pita 6,7MHz lan 8MHz. Fleksibilitas ISDB-T bisa dideleng saka mode kang dienggo, ing ngendi mode pisanan digunakaké kanggo aplikasi seluler télévisi kanthi definisi standar (SDTV), mode kapindho minangka aplikasi panampa seluler lan SDTV utawa télévisi kanthi définisi duwur (HDTV) beraplikasi tetap, sarta mode ketelu kang khusus kanggo HDTV utawa SDTV kanthi sistem panampa tetap. Sekabehané data modulasi sistem pemancar ISDB-T bisa diatur kanggo QPSK lan 16QAM utawa 64QAM. Perubahan mode iki bisa diatur lumantar apa kang disebut kontrol konfigurasi transmisi lan multipleks (TMCC).

Frèkuènsi sistem penyiaran télévisi digital bisa ditampa gunakaké anténa kang disebut télévisi terestrial digital (DTT), kabel (TV kabel digital), lan piringan satelit. Piranti sarupa telepon seluler digunakaké utamané kanggo nampa frekuensi télévisi digital berformat DMB lan DVB-H. Siaran télévisi digital uga bisa ditampa nggunakaké internet kanthi kecepetan duwur kang dikenal minangka télévisi protokol internet (IPTV).[2]

Karakteristik sistem penyiaran TV digital terestrial[sunting | sunting sumber]

Sistem penyiaran télévisi digital kang ana ing Indonesia kapérang andhedhasar kualitas penyiaran, piguna, lan keunggulan TV Digital kasebut. Télévisi Digital sajroning perkembangané duwéni karakteristik kang beda ing saben aréa penyiaran.

Kualitas penyiaran TV digital[sunting | sunting sumber]

Télévisi Digital duwéni asil siaran kanthi kualitas gambar lan warna kang luwih apik saka kang diasilake télévisi analog. Sistem télévisi digital ngasilaké pengiriman gambar kang bening lan stabil sanajan alat panampa siaran ana ing jero kondisi obah kanthi kecepetan dhuwur. Télévisi Digital duwéni kualitas siaran kanthi akurasi lan resolusi duwur. Teknologi digital merlokaké kanal siaran kanthi laju duwur banget nyandak Mbps kanggo pengiriman informasi kanthi kualitas dhuwur.

Lihat pula[sunting | sunting sumber]

Cathetn sikil[sunting | sunting sumber]

  1. ^ menanti-set-top-box-gratisan-untuk-tv-digital, (Kaunduh 15/2/13)
  2. ^ tentang-tv-digital, (Kaunduh 15/2/13).
Sumber artikel punika saking kaca situs web: "http://jv.wikipedia.org/w/index.php?title=Télévisi_digital&oldid=859545"