Tari Legong

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Legong Kraton

Tari Legong yaiku salah sijining kesenian Bali awujud beksan utawa tarian putri kang dibeksakake dening kenya loro utawa telu.[1] [2] Salah siji saka kenya iku ana kang maragakake condong, yaiku paraga kang wiwitan metu saprelu miwiti tari Legong.[1] Tari iki wiwitane tukul ing desa Peliatan,Ubud, Gianyar kanggo nyuguhi raja lan kulawargane. [2] Tembung legong dumadi saka tembung leg lan gong. [1] [3] Leg tegese luwes utawa elastis, banjur ditegesi minangka obahing awak kang luwes. Dene tembung gong tegese gamelan. Yen digabung dadi legong kang tegese obahing awak kang pinathok (mligine aksentuasine) dening gamelan kang ngiringi. Gamelan kang ngiringi tari legong yaiku gamelan Pelegongan lan ana uga kang diiringi nganggo gamelan Semar Pegulingan.[1] [3] Lakon kang padatan dianggo ing Legong sumbere saka crita Malat mligine crita Prabu Lasem, crita Kuntir lan Jobog (crita Bali Sugriwa), Legod Bawa (crita Brahma Wisnu nalika nggolek pucuk lan bongkote Linggane Siwa), Kuntul ( crita peksi ), Sudarsana ( sajinising Calon Arang ), Palayon, Candra Kanta lan sapanunggalane.[1] [3] Struktur tarine padatan kasusun saka Papeseon, Pangawak, Pangecet lan Pakaad. Penari Legong uga tansah nggawa kipas.

Cathetan suku[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Tari_Legong&oldid=831676"