Calon Arang

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Calon Arang iku salah sawijining legendha utawa carita rakyat saka Jawa lan Bali.

Critane Calon Arang[sunting | sunting sumber]

Ana randha kang nduweni ilmu hitam ‘santet’ kerep ngrusak kasil panenane para tani, lan marakake prahala (dhadekake tekane penyakit), jenenge randha iku Calon Arang. Calon Arang nduwe anak wadhon kang sesilih Ratna Manggali. Bocah wadhon iku ayu, ananging ora bisa omah-omah/ora payu rabi (duwe bojo) awit saben pawongan padha wedi marang ibune. Calon Arang banjur nesu lan nyulik salah sijining kenya kang isih enom kanggo tumbal Dewi Durga.

Sabanjure iku ana banjir gedhe kang dhadekake akeh uwong padha mati. Akeh penyakit kang tumeka. Raja Airlangga banjur nyaluk pitulungan marang Empu Baradah kanggo mrantasi masalah iku. Empu Baradah ngutus Empu Bahula supaya dinikahahe karo Ratna. Pesta mantenane 7 dina 7 bengi, lan kahanane dadi pulih maneh.

Calon Arang nduweni buku ilmu sihir. Buku iku kasil ditemokake Bahula banjur dipasrahake karo Empu Baradah. Ngerteni bukune dicolong, Calon Arang muntab lan nglawan Empu Baradah. Awit ora direwangi Dewi Durga, Calon Arang dadi kalah. Sabubare kedaden iku, desa dadi aman saka anceman ilmu hitam ‘santet’ kang diduweni Calon Arang.

Réferènsi[sunting | sunting sumber]

  • Kapustakan Djawi. Jakarta:Djambatan
Sumber artikel punika saking kaca situs web: "http://jv.wikipedia.org/w/index.php?title=Calon_Arang&oldid=830060"