Tamamo-no-Mae

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Tamamo-no-Mae. Cithakan déning Yoshitoshi.
Sessho-seki ing Nasu, Tochigi

Tamamo-no-Mae (玉藻前 utawi 玉藻の前, 玉藻御前?) inggih menika satunggaling tokoh legendaris wonten ing mitologi Jepang lan cerita rakyat Jepang. Wonten ing Otogizoshi, kempalan gancaran Jepang dipunserat nalika periode Muromachi, Tamamo-no-Mae kacariyosaken dados selir Kaisar Konoe kanthi tahta saking 1142 dumugi taun 1155. Piyambakipun menika dipunsebat wanita paling ayu lan pinter wonten ing Jepang. Awakipun Tamamo-no-Mae kanthi misterius medalaken ambu ingkang wangi lajeng busananipun boten naté reged. Tamamo-no-Mae boten namung ayu kemawon, ananging kagungan pengetahuan ingkang wiyar ing maneka bidang ngelmu [1]. Sanajan yuswanipun nembe kalih dasa taun, annaging boten wonten pitakenan ingkang boten saged dipunwasngsuli déning piyambakipun. Saben pitakenan ingkang tumuju dhateng piyambakipun jelas saged dipunwangsuli, wiwit saking babagan musik dumugi agami sarta astronomi. Keayuan lan kapinteranipun ingkang damel saben tiyang wonten ing astana Kekaisaran gumun kalihan wanita menika. Kasiar Konoe menika remen sanget kalihan Tamamo-no-Mae.

Kaisar Konoe maringaken sedaya katresnanipun marang Tamamo-no-Mae dumugi ing sawijining dinten, kaisar gerah ingkang misterius. Kaisar nglampahi konsultasi kalihan kathah bhiksu ugi peramal supados mangertos ingkang dados penyakit kasebut. Ananging boten wonten ingkang manggihaken. Pungkasan, wonten satunggaling peramal bintang anama Abe no Yasuchika matur dhateng kaisar bilih ingkang damel kaisar gerah menika Tamamo-no-Mae. Yasuchika ngandharaken bilih Tamamo-no-Mae menika sejatosipun kitsune [2] mawi sangang buntut ingkang dados wanita ayu ugi enèm. Majikanipun menika satunggaling [daimyo]] ingkang sengaja damel kaisar gerat supados saged ngrebut tahta kaisar. Bibar mangertos bilih piyambakipun dados inceran, Tamamo-no-Mae ical saking astana.

Kaisar paring dhawuh dhateng panglima ingkang paling kuwat kala menika, Kazusa-no-suke lan Miura-no-suke supados madosi lajeng mateni rubah (kitsune) dados-dadosan menika. Sasampunipun nate kasil mlayu saking para pemburu kasebut, kitsune medal wonten ing mimpinipun Miura-no-suke kanthi wujud Tamamo-no-Mae ingkang ayu. Kitsune mangertos bilih piyambakipun badhé dipunpateni déning Miura-no-suke énjingipun lan nyuwun supados nyawanipun dipunparingi ampun ananging Miura-no-suke boten purun. Enjingipun, para pemburu manggihaken rubah ing Dataran Rendah Nasu. Miura-no-suke manah makhluk kasebut saéngga mati. Awak rubah kasebut banjur malih dados Batu Pembunuh (Sessho-seki, 殺生石) ingkang saged nyabut nyawa sinten kemawon ingkang ndemok watu kasebut. Arwah Tamamo-no-Mae malih dados Hoji lajeng medeni watu kasebut.

Miturut legenda, watu ing Nasu terus diwedèni déning Hoji dumugi digusah dening satunggaling bhiksu anama Genno. Hoji ngancem Genno nalika bhiksu kasebut nembé ngaso wonten ing celakipun Batu Pembunuh. Genno ngawontenaken ritual kagem nggusah memedi, lan nyuwun supados Hoji purun dipunslametaken. Pungkasan Hoji nyerah lan ngaturaken sumpah boten bakal medèni watu menika malih. Legenda Tamamo-no-Mae dados inspirasi cariyos noh Sessho-seki (Batu Pembunuh) lan kabuki kanthi irah-irahan Tamamo-no-Mae.

Cathetan suku[sunting | sunting sumber]

  1. ^ (id) Kumpulan Cerita Rakyat Jepang Yang Terkenal, (dipunakses tanggal 10 Februari 2013)
  2. ^ (id) Tamamo-no-Mae, (dipunakses tanggal 10 Februari 2013)

Pranala njawi[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Tamamo-no-Mae&oldid=840047"