Shiitake

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Shiitake
Klasifikasi èlmiah
krajan: Fungi
filum: Basidiomycota
kelas: Homobasidiomycetes
ordo: Agaricales
kulawarga: Marasmiaceae
Genus: Lentinula
Species: L. edodes
Jeneng binomial
Lentinula edodes
(Berk.) Pegler

Shiitake (椎茸?) (Lentinula edodes) utawa jamur hioko lan asring ditulis minangka jamur shitake iku jamur pangan asal Asia Wétan sing misuwur ing saindhenging donya kanthi jeneng asliné ing basa Jepang. Shiitake sacara harafiah ateges jamur saka wit shii (Castanopsis cuspidata) amarga watang wité sing wis kropos arupa papan tuwuh jamur shiitake.

Spesies iki mbiyèné tau ditepungi minangka Lentinus edodes. Ahli botani Inggris sing jenengé Miles Joseph Berkeley njenengi spesies iki minangka Agaricus edodes ing taun 1878.

Shiitake akèh dibudidayakaké ing Tiongkok, Korea lan Jepang lan bisa ditemoni ing alam bébas ing dhaérah pagunungan ing Asia Kidul-wétan.

Shiitake jroning basa Tionghoa diarani xiānggū (Hanzi: 香菇, "jamur arum"), éwadéné sing kuwalitasé dhuwur mawa payung sing luwih kandel diarani dōnggū (Hanzi: 冬菇, "jamur usum adhem") utawa huāgū (花菇, "jamur kembang") amarga ing bagéyan dhuwur lumahing payung ana motif retak-retak kaya megar.

Ing Indonésia sok dijenengi jamur jengkol[1], amarga wangun lan aromané kaya jengkol senajan kanggo sebagéyan wong rasa jamur iki kaya rasa peté.

Dhèskripsi[sunting | sunting sumber]

Jamur shiitake tuwuh ing lumahing watang kayu sing ngopos saka wit Castanopsis cuspidata, Castanea crenata (kastanye), lan sajenis wit èk Quercus acutissima. Watang saka awak woh asring mlengkung, amarga shiitake tuwuh munggah saka lumahing watang kayu sing didegaké. Payung mbukak amba, werna coklat tuwa mawa wulu-wulu alus ing bagéyan ndhuwur lumahing payung, éwadéné bagéyan ngisor payung werna putih.

Jamur ngandhut racun spesies Omphalotus guepiniformis[2] katon rada mèmper karo jamur shiitake saéngga akèh wong sing kapusan lan keracunan.

Sajarah budidaya[sunting | sunting sumber]

Réferènsi[sunting | sunting sumber]

  • Tsuji, Shizuo (1980). Japanese Cooking: A Simple Art. New York: Kodansha International/USA.
  • Yun Ho Choi, et al. (2005). "Inhibition of Anaphylactic Reaction and Mast Cell Activation by the Methanol Extract of Letinus edodes". Chonbuk National University, Republic of Korea. (unpublished)

Pranala njaba[sunting | sunting sumber]

Commons-logo.svg
Wikimedia Commons gadhah galeri bab:
Sumber artikel punika saking kaca situs web: "http://jv.wikipedia.org/w/index.php?title=Shiitake&oldid=823042"