Shalat jenazah

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Shalat jenazah ing Iran.

Shalat Jenazah iku jinis shalat sing diayahi tmrap jenazah muslim. Saben muslim sing tilar donya lananang utawa wadon dishalati déning muslim sing isih urip kanthi status hukum fardhu kifayah.

Sarat[sunting | sunting sumber]

Sarat jroning panyelenggaraan shalat iki ya iku:

  • Sing ngayahi shalat kudu ngebaki sarat sah shalat sacara umum (nutup aurat, suci saka hadas, ngadhep kiblat lsp)
  • Jenazah/Mayit kudu wis diadusi lan dikafani.
  • Jenazah didèlèh ing sisih wong sing ngayahi shalat, kajaba diayahi ing kubur utawa shalat ghaib.

Rukun Shalat Jenazah[sunting | sunting sumber]

Shalat jenazah ora nganggo ruku', sujud utawa iqamah, nanging jroning posisi ngadeg wiwit takbiratul ihram nganti salam. Ing ngisor iki urutané:

  1. Niat, kayadéné shalat-shalat liyané cukup diucapaké jroning batin ora perlu dilafalaké. [1][2]Niat shalat jenazah

> Tumrap jenazah wong lanang : " Ushalli 'alaa haadzal mayyiti arba 'a takbiiraatin fardhal kifaayati ma'muumam/imaaman lillahi ta'aalaa, Allahu akbar "

> Tumrap jenazah wanita : " Ushalli 'alaa haadzihil mayyiti arba 'a takbiiraatiin fardhal kifaayati ma'muuman/imaaman lillahi ta 'aalaa, Allaahu akbar "

  1. Takbiratul Ihram pisanan banjur maca surat Al Fatihah
  2. Takbiratul Ihram kaloro banjur maca shalawat marang Rasulullah SAW minimal :"Allahumma Shalli 'alaa Muhammadin" maknané : "Yaa Allah paringana salawat marang nabi Muhammad"
  3. Takbiratul Ihram katelu banjur maca donga kanggo jenazah minimal:"Allahhummaghfir lahu warhamhu wa'aafihi wa'fu anhu" sing maknané : "Yaa Allah ampuni panjenengané, paringana rahmat, kasajahtran lan apuranen panjenengané". Yèn jenazah sing dishalati iku wanita, wacan Lahuu diganti nganggo Lahaa. Dadi tumrap jenazah wanita wacané dadi: "Allahhummaghfir laha warhamha wa'aafiha wa'fu anha". Yèn mayité akèh wacané Lahuu diganti Lahum. Dadi kanggo jenazah sing akèh wacané dadi: "Allahhummaghfir lahum warhamhum wa'aafihim wa'fu anhum"
  4. Takbir kapapat banjur maca donga minimal:"Allahumma laa tahrimnaa ajrahu walaa taftinna ba'dahu waghfirlanaa walahu." sing maknané : "Yaa Allah, aja nganti pahalané ora teka utawa aja Panjenengan nguculaké kita ngenani pahalané, lan aja nganti Panjenengan maringi kita fitnah sapungkuré, sarta ampuni kita lan dhèwèké." Yèn jenazahé wanita, wacané dadi: "Allahumma laa tahrimnaa ajraha walaa taftinna ba'daha waghfirlanaa walaha."
  5. Ngucapaké salam

Shalat Ghaib[sunting | sunting sumber]

Yèn ana kulawarga utawa muslim liya sing tilar donya ing panggonan sing adoh saéngga jenazahé ora bisa dihadiraké bisa dianakaké shalat ghaib tumrap jenazah kasebut. Pelaksanaané padha karo shalat jenazah, mung bédané ana ing niat shalaté.
Niat shalat ghaib :"Ushalli 'alaa mayyiti (Fulanin) al ghaaibi arba'a takbiraatin fardlal kifaayati lillahi ta'alaa" Maknané : "aku niat shalat gaib kanggo mayit (fulanin) patang takbir fardu kifayah minangka (makmum/imam) karana Allah""
tembung fulanin diganti nganggo jeneng mayit sing dishalati.

Rujukan[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Shalat_jenazah&oldid=832008"