Shabu-shabu

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Shabu-shabu

Shabu-shabu[1][2] (しゃぶしゃぶ) utawa shabu shabu iku panganan saka Jepang jinis Nabemono arupa irisan daging sapi kang tipis banget kang dicelupake menyang panci khusus isine banyu panas ing sadhuwuring meja makan, lan diclupake menyang kuah kaping pirang-pirang sadurunge didhahar karo saus (tare) ngandhut wijen kang diarani gomadare utawa ponzu. Ing sajroning panci padatan ana jejanganan, tahu, utawa kuzukiri.

Saliyane irisan daging sapi kang tipis banget, daging liyane uga didhahar kanthi cara shabu-shabu kayadene daging pitik, daging wedhus nom, iwah fugu, gurita lan iwak kakap. Gyūshabu iku sesebutan kanggo shabu-shabu kang nganggo daging sapi. Ing Hokkaido, shabu-shabu daging wedhus nom diarani Ramushabu. Shabu-shabu daging babi diarani Tonshabu utawa Butashabu. Ing Nagoya dikenal shabu shabu kanthi ayam Nagoya Kōchin kang diarani Niwatorishabu.

Sajarah[sunting | sunting sumber]

Ing Beijing lan ing dhaerah timur laut Tiongkok dikenal panganan kang diarani shuan yang rou (Hanzi:涮羊肉) arupa irisan tipis daging wedhus nom kang dimasak ing panci isine banyu umub lan padatan didhahar ing musim dingin. Panganan iki banjur digawa menyang Jepang dening wong Jepang kang tau manggon ing Manchuria.

Sing duwe rumah makan Jūnidanya kang ngadol Ochazuke lan Mizutaki ing Kyoto keprungu babagan kebiasaan dhahar ing Tiongkok saka wong-wong kang tau manggon ing kana. Sing duwe rumah makan banjur duwe ide arep nyelehake irisan tipis daging sapi ing sadhuwuring sega lan didhahar kanthi cara Ochazuke kanthi cara nggebyurake teh ijo panas ing dhuwure.

Ing taun 1952, restoran Suehiro ing Osaka mulai nyajekake masakan saka irisan tipis kang diarani Shabu-shabu lan bisa ngasilake entuk merek dagang kanggo masakan iki ing taun 1955.

Ing jaman biyen, shabu-shabu dimasak ing dhuwure kompor areng, mula ing tengah-tengah panci shabu-shabu pancen digawe bolongan kanggo cerobong kanggo nglebukake areng. Ing Tiongkok, panci kaya mangkene diarani huo guo zi (Hanzi:火鍋子).

Cathetan sikil[sunting | sunting sumber]

  1. ^ (en)japanesefood.com Beef Shabu Shabu
  2. ^ (en)globalgourmet.com Japan Shabu Shabu (Boiled Beef)
Sumber artikel punika saking kaca situs web: "http://jv.wikipedia.org/w/index.php?title=Shabu-shabu&oldid=832339"