Raffaello Sanzio

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
potret Raffaello Sanzio

Raffaello Sanzio ( wiyos wonten ing Urbino, Italia, 6 April 1483 - séda wonten ing Roma, Italia, 6 April 1520 kanthi yuswa 37 taun ) menika satunggaling ahli lukis lan arsitèktur terpelajar Italia saking kutha Firenze nalika masa High Renaissance utawi “Renesans Tinggi” [1] . Raffaello Sanzio ugi kawéntar kanthi nama Raphael Sanzio, Raffaello Santi, Raffaello da Urbino, ugi Rafael Sanzio da Urbino. Raffaello Sanzio kondhang awit gaya lukisanipun ingkang asring dipunwastani inferior [1].

Riwayat[sunting | sunting sumber]

Raffaello Sanzio menika putri saking pasangan GIovanni Santi lan Magia di Battista Ciarla ing seda ing taun 1491. Bapakipun nepangaken dhateng humanist court ing Kutha Urbino dumugi pungkasan abad kaping 15 menika salah satunggaling pusat kabudayan paling aktif ing Italia ing sangandhaping pamaréntahan Federico da Montefeltro ingkang seda 7 wulan sadèrèngipun wiyosipun Raffaello Sanzio. Wonten ing mriku Raffaello Sanzio nyinau karya-karya Paolo Uccello, Luca Signorelli, lan Melozzo da Forli. Raffaello Sanzio nedahaken bakat ingkang saé sanget saéngga ing umur 17 taun sampun dipunundang master. Wonten ing biografinipun babagan Raffaello Sanzio, Giorgio Vasari nyebataken nilih bapakipun Raffaello Sanzio mbeta Raffael dhateng Perugia nalika umur 11 taun dados tenaga magang kanggé Pietro Perugino.

Karya[sunting | sunting sumber]

Madonna and Child
The School of Athens

Raffaello Sanzio menika gesangipun sejaman lan paling enèm ing antawisipun tigang seniman raksasa kala menika, inggih menika Leonardo da Vinci (1452-1519) lan Michaelangelo (1475-1564). Raffaello Sanzio menika aktif sanget anggènipun damel karya lukis lan ingkang kawéntar menika Madonna and Child, Crucifixtion, The Sistine Madonna, lan Portrait of a Woman. Wiwit Raffaello Sanzio nglukis lan mahat kanthi profèsional menika nalika yuswa 14 taun, saéngga Raffaello Sanzio sampun nilaraken boten kirang saking 500 karya seni ingkang gadhah mutu inggil [2].

Ing antawisipun sedaya lukisan damelan Raffaello Sanzio, ingkang paling kawéntar lan paling kathah dipun-reproduksi tiyang menika The School of Athens, satunggaling lukisan tembok ing Vatikan ingkang dipundamel nalika taun 1509. Lukisan menika gambaran babagan donyaning filsafat nalika masa emasipun Yunani. Wonten ing lukisan menika kagambaraken filsuf-filsuf ingkang nembé bertukar pikiran, merenung, lan nglampahi pacelathon kalihan murid-muridipun. Plato lan Aristoteles dipungambaraken wonten ing tengahing keramenan katingal nembé sami ngendikan [2].

Cathetan suku[sunting | sunting sumber]

  1. ^ a b [1] (id) 5 Seniman Besar Zaman Renaisans( dipun-akses tanggal 19 Januari 2013 )
  2. ^ a b [2] (id) Raffaello Sanzio( dipun-akses tanggal 19 Januari 2013 )
Sumber artikel punika saking kaca situs web: "http://jv.wikipedia.org/w/index.php?title=Raffaello_Sanzio&oldid=836258"