Pura Luhur Uluwatu

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Pura Luhur Uluwatu

Pura Luhur Uluwatu yaiku pura kang dumunung ing Desa Pecatu, Kuta, Badung (kurang luwih 31 kilometer saka Denpasar mengidul.[1] [2] Pura iki madheg ing pucuk kidul-kulon Pulo Bali ing sandhuwuré anjungan watu karang kang terjal lan njorok ing laut.[1]. Pura Uluwatu mapan ing lemah kang dhuwure 97 meter saka laut. [1] Ing ngarep pura ana alas cilik kang diarani alas kekeran minangka sangga kasucening pura.[1] Pura Uluwatu nduwe saperangan pura pesanakan, yaiku pura kang raket gandheng cenenge karo pura induk.[1] Pura pesanakane yaiku Pura Bajurit, Pura Pererepan, Pura Kulat, Pura Dalem Selonding, lan Pura Dalem Pangleburan.[1] Saben-saben pura nduwe gegayutan karo Pura Uluwatu mligine ing dina-dina piodalane.[1] Piodalan ing Pura Uluwatu, Pura Bajurit, Pura Pererepan lan Pura Kulat iku dina Selasa Kliwon Wuku Medangsia saben 210 ari. [1] Dewa kang dipuja ing Pura Uluwatu yaiku Dewa Rudra.[1] Pura Luhur Uluwatu mapane adhep-adhepan karo Pura Andakasa, Pura Batur, lan Pura Besakih.[2] Awit saka iku, akeh umat Hindu percaya bilih ing Pura Uluwatu iku sarana kanggo nyenyuwun nugrahaning Gusti kanggo tumataning urip ing donya.[2] Mula ing Pura Uluwatu daya wisesa utawa kekuwatan spiritual saka telung dewa yaiku Brahma, Wisnu, lan Siwa ngumpul dadi siji ing kono.[2] Daya wisesa dewa Brahma saka Pura Andakasa, dewa Wisnu saka Pura Batur lan dewa Siwa saka Pura Besakih. [2]

Sajarah[sunting | sunting sumber]

Miturut Lontar (pustaka kuna]], Kusuma Dewa Pura iki madheg saka pituturing Mpu Kuturan nalika abad kaping 11.[2] Pura iki siji saka enem pura Sad Kahyangan kang ditulis ing Lontar Kusuma Dewa.[2] Pura kang disebut ing Lontar iku yaiku Pura Besakih, Pura Lempuhyang Luhur, Pura Goa Lawah, Pura Luhur Uluwatu, Pura Luhur Batukaru lan Pura Pusering Jagat.[2] Saliyane Pura Sad Kahyangan, Pura Uluwatu uga diarani Pura Padma Bhuwana .[2]

Cathetan suku[sunting | sunting sumber]


Artikel punika taksih tulisan rintisan (stub). Sinten kémawon ingkang kersa mbenakaken, sumangga kémawon.

Sumber artikel punika saking kaca situs web: "http://jv.wikipedia.org/w/index.php?title=Pura_Luhur_Uluwatu&oldid=831674"