Pretzel

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Macem-macem Pretzel

Pretzel iku jinis kué kang awujud telung simpul utawa belitan kang asalé saka Éropah.[1][2] Rasané asin lan rada legi, saliyané tèksturé ana kang lembut (roti) lan uga ana kang dipanggang nganti dadi atos. Minangka panganan, pretzel uga diasosikaké karo pirang-pirang latar wuri lan tradhisi kabudayan. Adhonan pretzel kang kagawé saka ragi kanyana asalé saka tradhisi Kristen Éropah ing Abad Patengahan.

Saiki pretzel wis dadi kudhapan kang misuwur banget ing pirang-pirang negara. Pretzel kang atos wis dikembangaké dadi pirang-pirang jinis bentuk, wiwit saka simpul kang dipilin nganti tekan kang bentuké lurus kayadéné tongkat--kang diarani kanthi istilah salzstangen utawa tongkat uyah amarga ing sadhuwuré ditawuri karo uyah. Saliyané iku, wong-wong ing Hungaria ngarani kanthi sesebutan rop.[3] Pretzel padhetan ditemokaké ing kidulé Jerman (Swabia, Baden, lan Bavaria), lan Swiss. Ing panggonan iku pretzel asring diiris kanthi cara horisontal, diwènèhi mentega, lan didol minangka pretzel mentega. Wong ing Bavaria mangan pretzel kanggo sarapan, bebarengan karo saos sosis putih. Ing Hungaria pretzel kanthi jinis iku diarani perec.

Pretzel padhetan dilapisi karo bagéyan kang kinclong lan diwènèhi uyah. Pretzel bisa ditemokaké ing pirang-pirang macem bentuk lan ukuran. Pretzel empuk tradhisional kira-kira ukurané satangan. Padhetan pretzel atos iku mung tongkat kang kandelé 2-3 mm. Pretzel atos kang kandelé 0.8-1.5 cm diarani kanthi sesebutan pretzel Bavaria. Ing pirang-pirang negara bagéyan ing Éropah kayadéné Austria, pretzel tradhisional asring ngandhut wiji jinten kang cinampur ing adhonan.

Cathetan sikil[sunting | sunting sumber]

  1. ^ (Basa Indonésia)solfacorners.com DIY Simple Pretzel (kaundhuh tanggal 22 Agustus 2011)
  2. ^ (Basa Indonésia)okefood.com Sugar Pretzel (kaundhuh tanggal 22 Agustus 2011)
  3. ^ (Basa Indonésia)media.indonesia.com Kudapan Populer Pretzel Saus Mustard (kaundhuh tanggal 22 Agustus 2011)

Pranala njaba[sunting | sunting sumber]

Commons-logo.svg
Wikimedia Commons gadhah galeri bab:
Wikibooks
Wikibooks gadhah buku kanthi sesirah
Sumber artikel punika saking kaca situs web: "http://jv.wikipedia.org/w/index.php?title=Pretzel&oldid=832406"