Pepatih Dalem Kasultanan Yogyakarta
Patih ya iku jabatan kang kayadéné perdhana mantri. Ing kaprajan Mataram, kanggo ngangkat patih, Sultan kudu njaluk persetujuan Walanda amarga anané kontrak pulitik Sultan lan Walanda. Cacahé patih Kasultanan Ngayogyakarta wiwit madegé (1755 M) ana 9, nanging ana siji kang ora diakoni déning pihak (wektu kuwi) Inggris amarga diangkat tanpa disetujoni ya iku Tumenggung Sindunegara (1811-1813). Manut uruté kuduné kaparingan asma Danureja III, nanging amarga dianggep ora resmi mula nganggo asma Kiai Adipati Danureja. Perkara iki njalari anané gèsèh urutan kanggo patih samburiné.[1] Racaké buku sejarah nganggp Tumenggung Sindunegara (1811-1813) dadi Danureja III lan patih samburiné (1813-1847) kanthi asma Danureja IV. Artikel ing Wikipédhia nganggo panganggep iki. Déné ing cathetan saka kraton dhéwé nulisaké patih 1813-1847 kanthi asma Danureja III lan mangkono sabanjuré.
Patih Kasultanan Ngayogyakarta ya iku :
- Danureja I (1755-1799)
- Danureja II (1799-1811)
- Danureja III (1811-1913), Tumenggung Sindunegara/Kiai Adipati Danureja
- Danureja IV (1813-1847), ana kang nulis Danureja III
- Danureja V (1847-1879), ana kang nulis Danureja IV
- Danureja VI (1879-1899), ana kang nulis Danureja V
- Danureja VII (1900-1911), ana kang nulis DanurejaVI
- Danureja VIII (1912-1933), ana kang nulis Danureja VII
- Danureja IX (1933-1945), ana kang nulis Danureja VIII
Sawisé taun 1945 Sultan Hamengkubuwana IX ora ngangkat patih anyar manèh lan wewenang patih dileksanakaké panjenengané dhéwé.
Sarasilah
[besut | besut sumber]Mèh kabèh patih Kasultanan asalé saka trah Yudhanegaran, Banyumas. Kanggo ngraketaké sesambungan, kabèh patih dhaup karo rayi utawa putri dalem. Ana uga putri patih kang dipundhut dadi garwa sultan.
| Amangkurat IV | Mas Ayu Téjawati | ||||||||||||||||||||||||||||||||||||||||||||||||||||||||||||||||||||||||||||||||||||
| Danureja I | Radèn Ayu Danureja | Radèn Ayu Srenggana | Sultan HB I | Kanjeng Ratu Kadipatèn | |||||||||||||||||||||||||||||||||||||||||||||||||||||||||||||||||||||||||||||||||
| Danureja III | Tumenggung Danukusuma | Radèn Ayu Danukusuma | Sultan HB II | ||||||||||||||||||||||||||||||||||||||||||||||||||||||||||||||||||||||||||||||||||
| Danureja II | GKR Hanggèr | Sultan HB III | GKR. Sasi | Danureja IV | |||||||||||||||||||||||||||||||||||||||||||||||||||||||||||||||||||||||||||||||||
| Yudanegara I | Danureja V | GKR Kencana | Sultan HB IV | ||||||||||||||||||||||||||||||||||||||||||||||||||||||||||||||||||||||||||||||||||
| Danureja VI | Sultan HB V | Sultan HB VI | |||||||||||||||||||||||||||||||||||||||||||||||||||||||||||||||||||||||||||||||||||
| Danureja VII (Yudanegara II) | GKR Hanggèr | Sultan HB VII | Pangéran Buminata | ||||||||||||||||||||||||||||||||||||||||||||||||||||||||||||||||||||||||||||||||||
| Danureja VIII (Yudanegara III) | GKR. Hayu | Sultan HB VIII | GKR. Candrakirana | Danureja IX | |||||||||||||||||||||||||||||||||||||||||||||||||||||||||||||||||||||||||||||||||
Rujukan
[besut | besut sumber]- ↑ "Pepatih Dalem Kesultanan Yogyakarta". Karaton Ngayogyakarta Hadiningrat. 2018-04-02. Diarsip saka sing asli ing 2018-04-07.