Pacul

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Pacul

Pacul kalebu salah sijiné alat utawa piranti tradhisional kang digunakaké ing pertanian.[1] Pacul digunakaké kanggo ndhudhug lemah, kanggo ngresiki lemah saka suket utawa kanggo ngratakaké lemah.[1] Pacul isih digunakaké nganti jaman saiki, ananging kanggo ngolah lemah kang luwih amba buyasané nggunakaké bajak utawa traktor.[1] Pacul biyasané digawé saka kayu lan wesi.[1] Kayu dadi dangangan utawa gagang pacul lan ing bonggol kayu ana wesi kang pancen digawé tipis lan landhep supaya kena kanggo macul.[1] Pacul kui ora namung digunakaké ing babagan pertanian. Pacul uga digunakaké kanggo ngaduk bahan bangunan. Kanthi migunakaké pacul, para tukang bangunan bisa nyampur kanthi rata bahan bangunan arupa wedhi, semèn, lan gamping.

Sejarah[sunting | sunting sumber]

Kawruh ngenani pertanian kuno wis dingerteni bangsa Mesir pirang-pirang taun kepungkur.[2] Kabudayan Mesir jaya kang uga nduwéni pengaruh tumprap kabudayan-kabudayan Barat jaman saiki yaiku makmur lan akèhé asil pertanian.[2] Wong Mesir dadi wong kang ahli kanggo ngembangaké teknik drainase lan irigasi.[2] Drainase yaiku mbuwang banyu kang wis luwih-luwih.[2]

Teknologi kanggo ngolah lemah bisa dimangertèni saka pacul.[2] Pacul asale saka garan kang cacahé siji lan bentuké lincip kang digunakaké kanthi gerakan kaya wong ngethok.[2] Pacul kang sepisanan uga diarani bajak kuno, arupa pacul kang mung diobahké manungsa utawa kéwan kanggo ngeruk lan malik lemah.[2] Sawisé iku pacul banjur diowahi kanthi némpélaké wesi ing panggonan kang dadi tapel wates karo lemah.[2] Kanthi cara iki pacul duwéni konstruksi kang luwih kuwat lan luwih gampang dienggo.[2] Saliyané iku, bentuk iki uga nggampangaké lemah kang diwalik supaya saya akéh lemah kang diolah.[2] Pacul digunakaké wong Mesir dadi alat kanggo panén lan kanggo njupuk tanduran sak lemah.[2] Pacul duwéni werna-werna bentuk lan ukuran.[2] Gedhé ciliké ukuran pacul dijumbuhaké miturut kagunan pacul.[2]

Cathetan suku[sunting | sunting sumber]

  1. ^ a b c d e (id)distan.riau.go.id(dipunundhuh tanggal 21 Juni 2011)
  2. ^ a b c d e f g h i j k l m (id)lablink.or.id(dipunundhuh tanggal 21 Juni 2011)
Sumber artikel punika saking kaca situs web: "http://jv.wikipedia.org/w/index.php?title=Pacul&oldid=830864"