Niall Horan

Saka Wikipédia Jawa, bauwarna mardika basa Jawa
Niall Horan
Horan ing 2011
Pratélan latar wuri
Jeneng lairNiall James Horan
Lair (1993-09-13) 13 Sèptèmber 1993 (umur 30)
Mullingar, Irlan
Pakaryan
  • Penyanyi - panganggit lagu - gitaris
Piranti
  • Vokal lan gitar
Mangsa akarya2010–saiki
Labèl
Sing magepokanOne Direction

Niall James Horan (lair 13 Sèptèmber 1993; umur 30 taun) ya iku penyanyi lan penulis lagu saka Irlan, kondhang minangka anggota boyband One Direction.[1] Ing taun 2010, Horan mèlu audhisi artis solo kanggo télévisi sèri X Factor. Kawitané, dhèwèké wurung maju ing kategori "Boys" kanggo tataran omah juri (judge house), nanging saka sarané Nicole Scherzinger, minangka juri tamu, Horan dikongkon nggawé boyband sing anggotané wong lima karo Harry Styles, Zayn Malik, Liam Payne, lan Louis Tomlinson. Grup wong lima mau maju tekan ing final lan manggon ing pusisi katelu. Sanadyan ora menang, One Drection dikontrak £2 yuta déning Simon Cowell saka Syco Music.[2]

Biografi[besut | besut sumber]

Ibuné jenengé Maura Gallagher lan bapaké Bobby Horan.[3] Kakangé jenengé Greg.[4] Wong tuwané pegatan nalika dhèwèké umur limang taun. Sawisé iku, Horan lan kakangé urip pindhah-pindhah panggonan antarané omahé ibuné lan omahé bapaké. Ibuné dhaup manèh karo wong sing jenengé Chris lan pindhah menyang Edgeworthstown, County Longford. Dhèwèké sekolah ana ing sekolah Katulik ing Irlan.[5][6] Ing sekolah mau, Niall mèlu grup kor sekolah sing manggung saben dina Natal.[7][8] Horan wiwit main gitar nalika kakangé éntuk gitar ing dina Natal, nanging ora bisa mainaké. Mula saka iku, Horan wiwit sinau dhéwé carané main gitar mau sarana YouTube.[9]

Pangaribawa[besut | besut sumber]

Ing wawanwicara karo Digital Spy, Horan kandha yèn Michael Bublé minangka salah sijiné wong sing dituladhani dhèwèké. Horan uga kandha yèn dhèwèké iku pandhemen musik swing, lan Frank Sinatra, Dean Martin, lan Bublé minangka artis favorité. Dhèwèké seneng musik rock lan pandhemen The Eagles, Bon Jovi, lan The Script.[10][11]

Rujukan[besut | besut sumber]

  1. ↑ "Niall Horan Biography". Hollywood Life. Dibukak ing 31 December 2015.
  2. ↑ Jon O'Brien. "One Direction Biography". AllMusic. Dibukak ing 31 December 2015.
  3. ↑ "Mums of One Direction stars reveal how the boys have grown into music sensations – The Daily Record". Dailyrecord.co.uk. Dibukak ing 2012-06-11.
  4. ↑ "X Factor 2010: Niall Horan's brother says One Direction get along well". Unreality TV. 6 November 2010. Dibukak ing 2012-03-17.
  5. ↑ "Mullingar teen has got the X Factor". Westmeath Examiner. 7 July 2010. Diarsip saka sing asli ing 20 November 2010. Dibukak ing 8 October 2017.
  6. ↑ Liz Thomas. "Beatlemania takes a whole new Direction! Thousands gather in Montreal to catch a glimpse of the band". Daily Mail. London. Dibukak ing 2012-03-31.
  7. ↑ "One Direction – Biography, Overview, Artist feature, Music, Photo Gallery, News". Thehothits.com. Dibukak ing 27 April 2012.
  8. ↑ South Wales Echo (2012-01-13). "One Direction prepare for Cardiff sell-out shows - Showbiz - Lifestyle". WalesOnline. Dibukak ing 2012-06-11.
  9. ↑ "One Direction, Jessie J and Wretch 32 Unveil Their Best Christmas Presents Ever". Capital FM. 21 December 2011. Dibukak ing 2012-03-17.
  10. ↑ "VIDEO: One Direction's Niall Horan talks Music and food in VEVO LIFT interview". Sugarscape. Dibukak ing 27 April 2012.
  11. ↑ "Niall Interview (VEVO LIFT): Brought to you by McDonald's". YouTube. 9 October 2010. Dibukak ing 27 April 2012.
Dijupuk saka "https://jv.wikipedia.org/w/index.php?title=Niall_Horan&oldid=1646928"