Megalodon

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Megalodon
Temporal range: Miocene - Pliocene
Untu Megalodon.
Status konsèrvasi
Fossil
Klasifikasi èlmiah
krajan: Animalia
filum: Chordata
kelas: Chondrichthyes
Subkelas: Elasmobranchii
ordo: Lamniformes
kulawarga: Lamnidae
Genus: Carcharodon
Species: C. megalodon
Jeneng binomial
Carcharodon megalodon
Agassiz, 1843

Megalodon(pocapan jroning Basa Inggris /ˈmɛɡələdɒn/ MEG-ə-lə-don; artinipun "Untu Gedhe", saka Yunani μέγας (mega, "gedhe") lan ὀδούς (odon, "untu")) yaiku jinising hiu purba raseksa sing paling kondhang minangka iwak predator paling gedhe ing jaman biyen[1].Spesies sing wis punah iki urip kira-kira antarane 28-15 yuta taun kepengker,nalika Era Kenozoikum (Oligosen akhir mlebu nang Pleistocene awal).[2]Ukurane yen dibandingake karo banda sing ana saiki ibarat kapal pesiar nanging rada gedhe sithik. Hiu iki kalebu iwak perairan dalam kang jarang munggah marang permukaan kajaba golek pangan.

Panemon[sunting | sunting sumber]

Glossopetrae[sunting | sunting sumber]

Miturut lapurane Rennaissance,raksasa,fosil untu segitiga asring ditemokake tinandur ing formasi wewaton sing prenah uga dipitaya minangka ilat kang dadi watu utawa glossopetrae,saka naga lan sawer. Panafsiran iki dibenerake nalika taun 1667 dening sawijining tokoh naturalis Denmark,Nicolaus Steno,sing ngumumake panemuan-panemuan kasebut minangka untu-untune iwak hiu sing wis punah.[3] Panjenengane nyebutake panemone ing sawijining buku,"The head of Shark Dissected",sing uga ngamot ilustrasi C untune megalodon sing sadurunge dipercaya minangka ilat sing dadi watu.[4]

Idhentifikasi[sunting | sunting sumber]

Sawijining Naturalis Swiss,Louis Agassiz,menehi jeneng ilmiah kanggo hiu iki, Charcadon Megalodon,ing taun 1835,nalika paneliten "Recherces sur" ana ing karyane "Les Poissons Fossiles" (Paneliten fosil iwak),sing rampung taun 1843.[5] Untu saka Megalodon C. kanthi cara morfologis mirip karo untune iwak hiu putih gedhe.[5] Adhedhasar saka asil paneliten iki,Agassiz nglebokake kewan Megalodon iki ing genus Carcharodon. Yen Jeneng ilmiahe C. Megalodon utawa sring uga sinebut hiu megatooth[6], utawa hiu putih raksasa,malah ana sing njenengi hiu raksasa.[7]

Fosil[sunting | sunting sumber]

C.Megalodon digambarake ing cathetan fosil utamane dening untu lan balung centro burine.[6] Kayadene kabeh iwak hiu liyane,wrangkane C. Megalodon iku kabentuk saka balung rawan katimbang balung atose.[8] Asil panemon iki kalebu specimen fosil sing paling sithik ditemokake.[8]

Fosil Untu[sunting | sunting sumber]

Fosil sing paling umum saka C. Megalodon yaiku untune. Karakter dhiagnistik untune C.Megalodon yaiku: bentuke segitelu,strukture kuat,ukuran gedhe,grigine alus,lan katon kaya gulu sing bentuke V.[1] Untune C. Megalodon bisa nyandhak luwih saka 180 milimeter (7,1 inci) dhuwur miringe utawa diagonale,lan kalebu spesies paling gedhe ing jajaran spesies hiu sing dikenal.[1]

Fosil balung[sunting | sunting sumber]

Fosil balung C. Megalodon uga terkadhang ditemokake.[4] Conto sing paling pinunjul yaiku kolom balung buri sing diawetake,sing dikedhuk saka lembah Antwerpen,Belgia dening M.Leriche ing taun 1926.[4] Spesimen kabentuk saka 150 balung buri centro,kanthi centro sing paling gedhe ukurane 155 mm.[4] Nanging para ilmuwan yakin yen centrone Megalodon bisa luwih gedhe saka kuwi.[4] Panemon liyane ana ing lemah Gram,Denmark], dening Bendix-Almgeen ing taun 1983.[4] Spesimen iki kadhiri saka 20 balung buri centro, kanthi centro paling gedhene duweni ukuran sawetara 230 mm.[4]

Sebaran Fosil lan Umure[sunting | sunting sumber]

Fosil-fosil C. Megalodon wis dijedhuk ing bageyan donya endhi wae,kalebu Eropa,Amerika Utara,Amerika Selatan,Puerto Rico,Kuba,Jamaika,Austrakia,Selandhia Anyar,Jepang,Afrika,Malta,Grenadines,lan India.[4] Untu C. Megalodon uga wis dikedhuk ing dhaerah sing adoh saka benua(tuladhane ing palung Mariana,Pasifik).[1] Megalodon sing terakhir urip diprakirakake ing jaman Oligosen Akhir, sawetara 28 yuta taun kepengker.[3] Sanadyan fosil C Megalodon ana uga sing katut ditemokake ing sanjabanelapisan watu strata tersier,Megalodon wis dilaporake urip ing zaman Pleitosen salanjute.[4] Dadi, dipitaya menawa C Megalodon kuwi punah nalika Pleistosen,kira-kira 1,5 yuta taun kepungkur.[6]

Anatomi[sunting | sunting sumber]

Saka akehe spesies sing esih urip, hiu putih gedhe dianggep minangka analogine C .Megalodon.[1] Kurange wrangka fosil sing ditemokake gawe para ilmuwan gumantung karo morfologine iwak hiu putih gedhe kanggo dhasar rekonstruksi lan ukuran estimasine.[6]

Ukuran Estimasi[sunting | sunting sumber]

Karana isih fragmentaris,ngira-ira ukurane C. Megalodon kuwi isih babagan sing menantang.[5] Nanging komunitas ilmiah ngakoni yen C. Megalodon luwih gedhe saka iwak hiu paus, Rhincodon typus.[5] Paneliten para ilmuwan difokusake marang rong aspek ukuran yaiku: dawane (total panjang) lan bobot awak.[4]

Megalodon duwe dawa kira-kira 40 kaki (12 meter) utawaluwih.[4] Ana uga ilmuwan sing mrakirakake yen dawane bisa nganti 50 utawa 100 kaki ( 15,5 meter utawa 31 meter).[6] Ukurane iki paling ora ping loro-telune Great White Shark (Hiu Putih Gedhe) nanging iki mung prakiraan saka saka akehe fosil sing ditemokake,yaiku untu raksasa sing ukurane padha wae karodawane tangane menungsa umume.[4] Durung ana bageyan awak liyane sing bisa ditemokake kajaba untune iki, dadi para ilmuwan nembe bisa mbadek padha karo apa sing katon.[4] Untune Megalodon iki mirip banget karo untune Hiu Putih Gedhe (nanging luwih gedhe tur kandhel), diprakirakake yen Megalodon kuwi mbok menawa katon kaya versi raksasane Hiu Putih Gedhe.[1]

Prakiran Dawa Total[sunting | sunting sumber]

Ilmuwan sing sepisanan miwiti rekonstruksi rahang hiu dilakokake dening Profesor Bashford Dean ing taun 1909.[6]Saka rekonstruksi rahang mau,ilmuan iki duwe hipotesis sing nyatakake yen dawane megalodon bisa nyandhak 30 meter (98 kaki),nanging ing wektu saiki asil hipotesis mau dianggep ora pas.[6] Sing dadi alesan yaiku,kurange data babagan megalodon nalika jaman semana,lan ora akurate sistem strukture.[6] Kanggo nglarasake kabeh kesalahan mau para ilmuwan nggunakake panemuan fosil Megalodon sing paling anyar lan dibandinggake karo kawruh babagan pembandinge (hiu putih),ngenalake metode sing luwih kualitatif kanggo mrakirakake ukurane adedasar hubungan statistik antara ukuran untu lan dawane awak ing hiu putih gedhe.[6]

Cara Mangan[sunting | sunting sumber]

Porsi mangane Megalodon enggal padha karo porsine Paus.[6] Iwak hiu rata-rata mangan sawetara 2 persen saka bobote sabendinane.[6] Petungan iki rada padha karo anggone menungsa mangan.[6] Miturut para ilmuwan,cokotane Megalodon luwih kuat ketimbang cokotane T-rex.[6] Diprakirakake cara mangane padha kaya dene Hiu Putih Gedhe.[6]

Dhaftar Pustaka[sunting | sunting sumber]

  1. ^ a b c d e f (en) Informasi babagan megalodon
  2. ^ Wroe, S.; Huber, D. R. ; Lowry, M. ; McHenry, C. ; Moreno, K. ; Clausen, P. ; Ferrara, T. L. ; Cunningham, E. ; Dean, M. N. ; Summers, A. P. (2008). "Three-dimensional computer analysis of white shark jaw mechanics: how hard can a great white bite?". Journal of Zoology 276 (4): 336–342. doi:10.1111/j.1469-7998.2008.00494.x. http://www.bio-nica.info/Biblioteca/Wroe2008GreatWhiteSharkBiteForce.pdf.
  3. ^ a b {{en}Cite book|last=Haven|first=Kendall|title=100 Greatest Science Discoveries of All Time|publisher=Libraries Unlimited|year=1997|pages=25–26|isbn=1591582652}
  4. ^ a b c d e f g h i j k l m {{Sp}Cite news|last=Bruner|first=John|title=The "Megatooth" shark, Carcharodon megalodon|year=1997|publisher=Mundo Marino Revista Internacional de Vida Marina|accessdate=2008-01-16}
  5. ^ a b c d {{en}{Cite journal|unused_data=DUPLICATE DATA: year=2006|author=Nyberg K.G, Ciampaglio C.N, Wray G.A|title=Tracing the ancestry of the GREAT WHITE SHARK|year=2006|accessdate=2007-12-25|journal=Journal of Vertebrate Paleontology|volume=26|issue=4|pages=806–814|url=http://www.bioone.org/doi/abs/10.1671/0272-4634(2006)26%5B806:TTAOTG%5D2.0.CO%3B2%7Cdoi=10.1671/0272-4634(2006)26[806:TTAOTG]2.0.CO;2}
  6. ^ a b c d e f g h i j k l m n {{en}Cite book|last1=Klimley|first1=Peter|last2=Ainley|first2=David|title=Great White Sharks: The Biology of Carcharodon carcharias|publisher=Academic Press|year=1996|url=http://www.elsevier.com/wps/find/bookdescription.cws_home/673659/description#description%7Cisbn=0124150314}}
  7. ^ {{en}Cite episode|title=Monster Shark|series=Prehistoric Predators|credits=Narrated by: Robert Leigh|network=National Geographic|airdate=2009-04-27}}
  8. ^ a b {{en}http://web.ncf.ca/bz050/megalodon.html}


Sumber artikel punika saking kaca situs web: "http://jv.wikipedia.org/w/index.php?title=Megalodon&oldid=831018"