Mayor Jéndral

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Tandha pangkat Mayor Jéndral

Mayor Jéndral iku sawijining pangkat perwira tinggi militèr sing dipigunakaké ing akèh negara. Istilah kasebut dijupuk saka pangkat Sersan Mayor Jènderal. Mayor Jéndral klebu jroning jajaran perwira tinggi, biasané sak tingkat sakdhuwuring Brigadir Jéndral, lan sak tingkat sangisoré bawah Lètnan Jéndral.

Ing sawetara negara sing ora migunakaké pangkat Brigadir Jéndral (sebagéyan Eropah Wétan lan Rusia), pangkat Mayor Jéndral minangka pangkat paling cendhèk jroning tataran perwira tinggi (jéndral bintang siji) sabanjuré déning Lètnan Jéndral (bintang loro), Kolonèl Jéndral (bintang telu) lan Jéndral (bintang papat).

Mayor Jéndral ing TNI[sunting | sunting sumber]

Tandha pangkat sing dipigunakaké ing sandhangan dinas pedinan

Pangkat Mayor Jéndral dipigunakaké minangka pangkat perwira tinggi mawa bintang loro. Pangkat iki dianggo ing lingkungan TNI-AD lan Korps Marinir (TNI-AL).

Ing TNI-AD, pangkat iki biasané disandhang déning jabatan Panglima Kodam, sarta jenjang jabatan liya sing padha. Déné ing Korps Marinir, pangkat iki minangka pangkat paling dhuwur sing bisa digayuh déning anggota Korps Marinir, kajaba pangkat sing dianugerahaké sacara khusus kaya marang Letnan Jènderal (Mar) Ali Sadikin.

Perwira tinggi mawa bintang loro ing TNI-AL (saliyané Korps Marinir) nganggo pangkat Laksamana Muda lan ing lingkungan TNI-AU Marsekal Muda.

Deleng uga[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Mayor_Jéndral&oldid=862318"